10 бастыҥ ат Ил Дархан бирииһигэр кыттыаҕа

Комментарии Спорт и культура

Поделиться:

НВК САХА – Бэс ыйын 12 күнүгэр Дьокуускайдааҕы тыа хаһаайыстыбатын академиятын ипподромугар быйылгы Ил Дархан бирииһигэр сүүрүөхтээх тоҕус аты сүүмэрдиэхтэрэ.

Өрөспүүбүлүкэ сүрүн сүүрдүүтэ чугаһаатаҕын ахсын, сылгыһыттарга кэлии-барыы, сүпсүлгэн элбиир. Ат баайааччы Филипп Константинов Неарх диэн ааттаах 10 саастаах атын хаамтара таһаараары, сотор-тарыыр. Оттон Филипп төрөөбүт дойдута Хаҥалас улууһа быйылгы Ил Дархан бирииһигэр Джафар диэн аттарын киллэриэхтэрэ.

Ат баайааччылар быйылгы сүрүн бирииһи “Мин атым ыллар” диэн утуйар ууларын да умнан туран бэлэмнэнэллэр. Маныаха Ил Дархан бирииһигэр ыытыллар сүүрүү сүүмэрдээһинэ өйүүн, бэс ыйын 12 күнүгэр, ыытыллыа. Онно үгэс курдук 10 ат кыттыаҕа, онтон тоҕуһун 12 чыыһылаҕа ыытыллыахтаах ат сүүрдүүтүгэр талыахтара. Оттон быһа путевканы номнуо былырыыҥҥы кыайыылаах Форлан ылан турар.

Бу үрдүкү таһымнаах сүүрдүүгэ анаан сыллата улуустар соҕурууттан үрдүкү кылаастаах сылгылары аҕалаллар. Быйылгы сүүмэрдээһиҥҥэ эрдэ Саха сиригэр сүүрбэтэх икки ат кыттара былааннанар.

Ил Дархан бирииһин таһынан өссө 15 сүүрдүү ат спордун федерациятын халандаарыгар киирэн турар. Ол курдук Аммаҕа Лээги кубога, дерби уонна бырабыыталыстыба бирииһигэр улахан сүүрдүүлэр буолуохтара.

Онон хаалбыт кэми баттаһа, ат баайааччылар сүрүн бирииһи ылар туһуттан сылгыларын туругун, аһылыгын, дьарыгын кыраҕатык кэтээн көрөн элбэтэн, аччатан бириэхтэрэ. Оттон көрөөччүлэри хаһан да хатыламмат бэрт сэргэх, тыҥааһыннаах ат сүүрдүүтэ кэтэһэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

два × 1 =

ЛЕНТА НОВОСТЕЙ