ХИФУ учуонайдара саха нэһилиэктэрин төрүт култууратын уларыйыытын уонна орто үйэтээҕи симэхтэри чинчийиэхтэрэ

Комментарии Образование и здравоохранение

Поделиться:

НВК САХА — ХИФУ учуонайдара РФ президенэ Владимир Путин уонна чинчийии пуондатын гранын көмөтүнэ  саха нэһилиэктэрин төрүт култууратын уонна түҥ былыргы симэхтэр уларыйыыларын үөрэтиэхтэрэ. Бу туһунан университет пресс-сулууспата иһитиннэрэр.

Университет учууталларын уонна студеннарын бөлөҕө Бүлүү уонна илин эҥээр оройуоннарга эскпедицияҕа турунуохтара. 1 мөлүйүөн суммалаах граны кыайбыт «Саха сирин орто үйэтээҕи симэҕэ» диэн бырайыагы олоххо киллэриэхтэрэ. Икки сыл иһигэр бу чинчийиини ыытарга 500 тыһыынча солкуобайынан харчы көрүллүөҕэ.

Онтон историческай факультет аҕа уһуйааччыта Айтал Яковлев саха сэлиэнньэтин социальнай, култуурунай олоҕун уларыйыытын кыһалҕаларын үөрэтиэҕэ. Эдэр учуонай бырайыага 600 тыһ солк суммалаах дойду президенин гранын ылары ситиспитэ.

«Чинчийиилэр сүрүн хайысхаларынан Саха сирин төрүт култууратын уларыйыытын уонна орто үйэ симэхтэрин үөрэтии буолуоҕа. Хаартыскалары, видеолары, аудиолары хомуйуохпут, олохтоох нэһилиэнньэни, оройуоннар дьаһалталарын кытта көрсөрү былаанныыбыт. Үлэбит сүрүн чааһынан түмэллэр пуондаларын үөрэтии буолар», – диэн ХИФУ историческай факультетын үөрэхтээһиҥҥэ декан солбуйааччыта Капитолина Яковлева кэпсээтэ.

«Экспедиция кэмигэр биһиги ыһыахтарга сылдьыахпыт, аныгы сүүрээн төрүт култуураҕа дьайыытын үөрэтиэхпит», – диэн историческай наука кандидата Айтал Яковлев иһитиннэрдэ.

Чинчийиигэ ХИФУ историческай факультетын магистраннара уонна аспираннара кыттыһыахтара. Экспедиция икки чааска арахсан барыаҕа, бэс ыйын 16-30 күннэригэр Бүлүү, Үөһээ Бүлүү, Ньурба Сунтаар оройуоннарыгар ыытыллыаҕа, онтон от ыйыгар уонна атырдьах ыйыгар илин эҥээр оройуоннарга тахсары былаанныыллар. –ай

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один × два =

ЛЕНТА НОВОСТЕЙ