Дьокуускай киинигэр турар киосканы халаатылар

Комментарии Горячая линия

Поделиться:

НВК САХА – Дьокуускай киинигэр итии сокуускалары уонна бурдук астары атыылыыр киосканы халаатылар. Бу дьону туттулар диэн СӨ ИДьМ иһитиннэрэр.

28 саастаах дьахтар этэринэн, ол түүн Ленин проспегар турар маҕаһыыҥҥа атыылаһааччылар суохтара. Түүн киоскаҕа эдэр киһи киирэн, витринаҕа туох баарын көрөөт, тугу да атыыласпакка, тахсан барбыт. Кини кэнниттэн кэлин аанынан дьиэҕэ икки эр киһи киирбит. Биллибэт дьон атыылааччыны куттаан туран, хаассаҕа баар харчыны ылаат, тахсан барбыттар.

Полиция үлэһиттэрэ уорбанааччылары билбиттэр. Ол курдук 24-тэн 25-гэр диэри саастаах үс эр киһи эбиттэр.

“Уорбаланааччылар эрдэ кэпсэтэн баран “үлэлээбиттэр”. Олортон биирдэстэрэ түүннэри үлэлиир маҕаһыыҥҥа атыылаһааччы курдук туттан, харабыл уонна төһө дьон баарын бэрэбиэркэлии киирбит. Атыылааччы дьахтартан ураты ким да суоҕун билэн баран, дьонугар эппит. Бөлөх икки киһитэ киоскаҕа кэлин аанынан киирбиттэр. Камераҕа көстүмээри, капюшоннаах сылдьыбыттар. Биир киһи медицина мааскатын кэппит. Халыылларын саҕана эр дьон таҥастарын атастаспыттар”, – диэн иһитиннэриигэ этиллэр.

Холуобунай дьыала көбүтүлүннэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

двенадцать − 7 =

ЛЕНТА НОВОСТЕЙ