Хомунаалынай хаһаайыстыба тэрилтэлэрэ сааскы халааҥҥа бэлэмнэнэллэр

Комментарии Общество и политика

Поделиться:

НВК САХА – “СӨ ОДьКХ” тэрилтэ салааларыгар сааскы халаан уутун этэҥҥэ аһардыыга бэлэмнэнии дьаһаллар ыытылыннылар диэн тэрилтэ пресс-сулууспата иһитиннэрэр.

“Сылааһынан хааччыйар уонна да атын баай-дуол эбийиэктэрэ ууга барар түгэннэригэр персонал толоруохтаах үлэтигэр туһуламмыт саахалы утары эрчиллиилэр уонна инструктажтар ыытылыннылар. Уу ылыан сөп сиригэр турар гидротехническай тутуулар, водозабордар, ГСМ ыскылааттара, носуос ыстаансыйалара, сылааһы биэрэр эбийиэктэр эрэбиллээх буолуулара бэрэбиэркэлэннэ, эбии бөҕөргөтүү оҥоһулунна”, – диэн иһитиннэриигэ этиллэр.

Араас быһылааны туоратарга анал тиэхиньикэ уонна тырааныспар бэлэмнэннэ. Улуустааҕы быыһыыр сулууспалары уонна олохтоох бэйэни салайыныылары кытары бииргэ үлэлээһин былааннара оҥоһулуннулар.

«Кутталлаах зонаҕа киирэр производство бары эбийиэктэрэ уонна атын да баай-дуол страховкаланнылар. Персонал миэстэтигэр уу ылар түгэнигэр суһаллык дьайыыга уонна технологическай оборуудабанньалары көтүрүүгэ итиэннэ уматык-оттук матырыйаалларын таһаарыыга бэлэм”, – диэн  “СР ОдьКХ” ГУТ генеральнай дириэктэрин бастакы солбуйааччы  – кылаабынай инженер Юрий Сутемьев иһитиннэрдэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

2 × два =

ЛЕНТА НОВОСТЕЙ