1989 сылтан өрөмүөнэ суох турбут ЯГСХА корпуһун саҥардаллар

Комментарии Образование и здравоохранение

Просмотров: 211

NVK-ONLINE.RU – Саҥа түннүктэр, саҥа ааннар, муостаҕа кафель тэлгэммит. 1989 с. үлэҕэ киирбит тыа хаһаайыстыбатын академиятын сүрүн үөрэнэр корпуһа сэргэхсийэр, саҥалыы көрүҥнэнэр. Улахан өрөмүөн атырдьах ыйыттан саҕаланан, билигин бастакы, төрдүс этээстэргэ үлэ тигиниир.
Салгыы иккис, үһүс этээстэри оҥоруохтара, эмиэ истиэнэтин кырааскалыахтара, түннүктэрин, ааннарын саҥардыахтара, ону тэҥэ үөрэх корпуһун уота-күөһэ бүтүннүү уларыйыаҕа.
Үлэ хаачыстыбалаахтык ситтэҕинэ, кыһыннары тэстэн эрэйдиир кыһалҕа тохтуоҕа. Былаан быһыытынан улахан өрөмүөн Саҥа Дьылга диэри бүтэн, сүрүн корпуска үөрэх тиргиччи барыаҕа. Маҥнайгы этээстэн икки кабинеты инженернэй факультекка анаабыттар, манна студеннар массыынаны, техниканы ыытарга дьарыктаныахтара.
Өссө сантехниканы олорчу хаттаан оҥордубут диэн билиһиннэрэн туран, Айаал Владимирович хостору кэритэ сылдьан көрдөрдө. №1 студеннар уопсай дьиэлэрэ 586 миэстэлээх.
Билигин академияҕа күнүскү үөрэххэ 1300 студент үөрэнэр. Итинтэн 60- 70% уопсай дьиэҕэ олорор. Баҕалааҕы барытын киллэриэҕи дьиэ-уот эргэ, миэстэ тиийбэт.



Добавить комментарий

Ваш e-mail не будет опубликован. Обязательные поля помечены *