2014 сылтан бэттэх төрүөх дьоҥҥо табах атыытын бобор туһунан концепция бэлэмнээтилэр (ВИДЕО)

Комментарии Образование и здравоохранение

Просмотров: 33

NVK-ONLINE.RU – Сыл саҥата дойду доруобуйаҕа харыстабылын Министиэристибэтэ 2014 сылтан бэттэх төрөөбүт дьоҥҥо табах атыытын бобор туһунан концепцияны бэлэмнээтэ. Бу күҥҥэ Россияҕа уопсастыба бары хаттыгастарыгар ырытыы, дьүүллэһии ыытыллар. Бэлиэтээн эттэххэ, Россия табахсытын ахсаанынан аан дойдуга бастакы турар. Эр дьон 60 бырыһыана табахсыт, хас биирдии 10-с дьахтар никотиҥҥа ылларбытын Росстат иһитиннэрэр.

Мантан да сиэттэрэн, бу сыл саҥата 2014 сылтан бэттэх төрүөх гражданнарга табах атыытын бобор туһунан концепция бэлэмнэннэ. Сокуон быһыытынан бу 2033 сылтан олоххо киириэн сөп. Манна даҕатан эттэххэ, өссө сокуону таҥааччылар үлэлэригэр табахтыыр дьоҥҥо үлэ чааһын уһатар туһунан туруорсаллар. Дьиҥинэн, дойдуга баар уопсастыбаннай сиргэ табахтааһыны бобор сокуону бу дьаһал утарар. Ол эбэтэр төттөрүтүн табахтыырга көҥүл биэрии буолан тахсар.

Аны харчыны сырсааччылар электроннай табаҕы киэҥник тарҕаттылар. Ол эрэн, араас арыынан оҥоһуллар вейп концерогеннааҕын быраастар дакаастаабыттара биллэр.

Дьиҥинэн, табахтааһын – ыарыы. Ол эрэн, эмтэниллэр ыарыы. Маныаха куһаҕан дьаллыктан аккаастаныан баҕалаах тус санаата, төһө бэлэмэ уонна уйулҕатын туруга улахан оруоллаах. Бу сылтан электроннай табахха акциз төлөнөр буолла. Концепция олоххо киирдэҕинэ, коммунальнай квартираларга, уопсастыбаннай транспорка, оҕо баарына массыынаҕа табахтыыр көҥүллэммэт. Өссө ааһа баран, табаҕы утарар дьон баарына буруо таһаарар эмиэ сокуонунан бобуллуо.



Добавить комментарий

Ваш e-mail не будет опубликован. Обязательные поля помечены *