2019 сыл тохсунньу 1 күнүттэн кытаанах коммунальнай тобоҕу хомуйуу иһин тарыып атыннык ааҕыллыа

Комментарии Главные новости, Общество и политика

Поделиться:

НВК САХА – Кытаанах коммунальнай тобоҕу хомуйуу иһин төлөбүрү олорор дьиэ уопсай иэниттэн буолбакка, киһи ахсааныттан көрөн, тутуохтара.

Тустаах өҥө иһин сыананы өрө таһаарар саҥа сокуон 2019 сыл тохсунньу 1 күнүттэн үлэлиэ.

Билигин тарыып олорор дьиэ 1 кв. миэтэрэтиттэн быһаарыллар буоллаҕына, кэлэр сылтан дьиэҕэ хас киһи пропискаламмытыттан тутулуктаныа. Ону таһынан нэһилиэнньэ билиҥҥитэ бөҕү тиэйии, харайыы иһин эрэ төлүүр. Тохсунньу 1 күнүттэн тарыыпка экологическай хомуур, инвестбырагыраамма, регионнааҕы оператор уонна батарар ороскуот эбии киириэ.

Сыана зоналарынан тус-туһунан бигэргэниэ. Саха сиригэр итинник 5 зона уонна 5 регионнааҕы оператор баар буолуо. Ол иһигэр киин, киин-илиҥҥи, соҕуруу, арҕаа уонна арктическай зоналар быһаарылыннылар. Балартан арктическай зонаҕа оператор биллэ илик.

Ол курдук, киин зона операторынан “Якутскэкосети” ХЭТ, киин-илиҥҥи зонаҕа – “Саха сирин экологическай тиһиктэрэ” ХЭТ, арҕаа – “Мииринэйдээҕи коммунальнай хаһаайыстыба тэрилтэтэ” ХЭТ, соҕуруу зонаҕа – “Переработчик” МУП талылыннылар.

Бүгүҥҥү күҥҥэ тарыып кв. миэтирэ иһин 2,55 – 10,75 солкуобай буоллаҕына, тохсунньу 1 күнүттэн Дьокуускайга биир киһиттэн 131,26 солкуобай буолуо. Өрөспүүбүлүкэҕэ тарыып ортотунан киһиттэн 146,26 солкуобайга тэҥнэһиэ. Ол курдук, соҕуруу зонаҕа киһиттэн ортотунан 115 солкуобай буоллаҕына, арктическай зонаҕа  159,64 солкуобайы төлүөхтэрэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

десять + одиннадцать =

ЛЕНТА НОВОСТЕЙ