40 тыһыынча сыл анараа өттүгэр олоро сылдьыбыт бөрө баһын чинчийэллэр

Комментарии Главные новости, Образование и здравоохранение

Поделиться:

НВК САХА  – Саха сирин учуонайдарын сэдэх булумньуларын туһунан бу күннэргэ дойду сонуну киэҥник тарҕатар ааҕыныстыбалара элбэхтэ суруйдулар. Оттон бу дэҥҥэ көстөр, 40 тыһыынча сыл анараа өттүгэр олоро сылдьыбыт бөрө төбөтүн былырыын Абый улууһун Тирэхтээх өрүс эҥээриттэн булбуттара. Билигин бу булумньуну учуонай Валерий Плотников Швеция, Япония учуонайдарын кытта үөрэтэн, чинчийэн, баҕар, олох да саҥа арыйыыны оҥоруо.

Биллэн турар, былыргы кырамталары, дьон унуохтарын хаһан үөрэтэр археологтарга үлэлэрин үгэнэ дьэ саҕаланна. Туһааннаах идэҕэ уһуйар история факультета сыллата устудьуоннары былыргы дьон тутта сылдьыбыт малларын-салларын көрдөтөр сыаллаах анал быраактыканы тэрийэн ыытар.

“Быйыл илин эҥээр улуустарыгар 30-тан тахса устудьуон быраактыкаҕа барыахтаах. Түҥ былыргы дьон таас оҥоһуктарын, иһиттэрин кыырпахтарын булааччыбыт”, – диэн история факультетын уһуйааччыта Күннэй Пестерева эттэ.

Ол эрээри наукаҕа туох эрэ саҥаны, сонуну арыйар туһуттан археологтар сири-сибиири барыыллар. Саха сирин биллэр археолога Василий Попов сыллата араас улуустары кэрийэн, былыргы дьон уҥуохтарын үөрэтэр. Кини француз учуонайдарын кытта бииргэ үлэлэһэр. Сахалар киһини көмөр үгэстэригэр хас да саҥа арыйыылары оҥордо.

Буоларын курдук, идэлээх дьон ханна, хаһан баралларын, тугу көрдүүллэрин ыһа-тоҕо кэпсээбэттэр. Сир ирдэ да, тимир күрдьэхтэрин туппутунан араас сирдэринэн тарҕаһан, наукаҕа туох эрэ саҥаны, сонуну арыйдарбыт диэн күһүн сир тоҥуор диэри үлэ үөһүгэр түһэллэр. Даҕатан эттэххэ, научнай экспедицияны үбүнэн өйөөн, сыллата арыйыы да, үлэ да элбэх. Маныаха бары үлэни Саха автономията төрүттэммитэ 100 сылыгар түмэр сорук турар.

 

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

17 − двенадцать =

ЛЕНТА НОВОСТЕЙ