Аҕыйах ахсааннаах төрүт олохтоох норуоттар боломуочунайдарынан Лена Иванова ананна

Комментарии Общество и политика

Поделиться:

НВК САХА – Бүгүн, муус устар 25 күнүгэр норуот дьокутааттара СӨ баһылыгар Айсен Николаевка аҕыйах ахсааннаах төрүт олохтоох норуоттар боломуочунайдарын дуоһунаһыгар Лена Иванованы аныырга сөбүлэҥнэрин биэрдилэр диэн Ил Түмэн пресс-сулууспата иһитиннэрдэ.

Ил Дархан Лена Иванова кандидатуратын билиһиннэрдэ. Кини үрдүк таһымнаах специалист буоларын итиэннэ саҥа талыллыбыт дуоһунаһыгар туох баар күүһүн кыаҕын ууран туран үлэлиэ диэн эрэнэрин биллэрдэ.

Норуот депутаттара кандитаакка национальнай нэһилиэктэргэ балыктааһынынан, бултааһынынан олорор хоту сир бэрэстэбиитэллэрин олоҕун уйгутун хайдах тупсарар туһунан итиэннэ тулалыыр эйгэҕэ экологическай куттал суох буолуутун уонна сир баайын хостооһунунан дьарыктанар хампаанньалары кытары сыһыан туһунан ыйыталастылар.

Лена Иванова бу кыһалҕаны быһаарар туһугар федеральнай сокуоҥҥа кэккэ уларыйыылары киллэриэххэ сөбүн ыйда. Маны тэҥэ кини бастакы боломуочунай Константин Роббек үлэтин салҕыырын туһунан иһитиннэрдэ.

Кистэлэҥ куоластааһын түмүгүнэн 56 дьокутаат куоластаата, 5 – утарда, 2 туттунна.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

1 × два =

ЛЕНТА НОВОСТЕЙ