Аан дойду Кубога: Кубаны кытта тоҕус киирсиигэ аҕыһын Арассыыйа бөҕөстөрө ыллылар

Комментарии Главные новости, Спорт и культура

Поделиться:

НВК САХА – Дьокуускайга ыытыллар көҥүл тустуу аан дойдутааҕы Кубогар 61 кг диэри ыйааһыҥҥа аан дойду билиҥҥи чөмпүйүөнэ, Куба спортсмена Йовлис Бонне Родригес кыайыылаах таҕыста. Кини Арассыыйа бөҕөһүн Зелимхан Абакаровы хотто.

65 кг диэри ыйааһыҥҥа Алехандро Энрике Вальдес Тобьер эчэйэн, күрэхтэһииттэн туораабытын иһин Куба бөҕөһүгэр Гаджимурад Рашидовка кыайыы тигистэ.

74 кг диэри ыйааһыҥҥа аан дойду билиҥҥи чөмпүйүөнэ Заурбек Сидаков 43 сөкүүндэ иһигэр Куба спортсменын Джеандри Гарзон Кабальероны чаҕылхайдык кыайда.

79 кг диэри ыйааһыҥҥа Хусей Суюнчев Рейнери Перес Абреуну кыайда. Оттон 86 кг диэри ыйааһыҥҥа кыттыбыт Даурен Куруглиев Юриеским Торребланка Куеральтаны хотто.

92 кг диэри ыйааһыҥҥа Магомед Курбанов Куба спортсменын Лазаро Даниэль Эрнандес Луиһы 9:7 ахсаанынан кыайда.

97 кг диэри Владислав Байцаев Рейнерис Салас Переһы 4:0 ахсаанынан хотто.

125 кг диэри ыйааһыҥҥа Зелимхан Хизриев 10:00 ахсаанынан Оскар Пино Хиндсаны кыайда.

“Саха” НКИХ, “Якутия 24” уонна “Мамонт” ханааллар Дьокуускайга ыытыллар көҥүл тустуу Кубогын быһа эфиргэ көрдөрөллөр.

Эрдэ этиллибитин курдук, саха бөҕөһө Арыйаан Тютрин 8:3 ахсаанынан Куба тустуугун кыайбыта. 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

16 + четыре =

ЛЕНТА НОВОСТЕЙ