Абыйга оскуола тутулларыгар АЛРОСА 332 мөл солкуобайы ыыппыт

Комментарии Экономика и сельское хозяйство

Поделиться:

НВК САХА – Абый сэлиэнньэтигэр А.Е. Слепцов аатынан орто оскуола үөрүүлээх аһыллыыта буолла. Оскуола тутуутугар АЛРОСА хампаанньа Үүнэр көлүөнэ пуондатын нөҥүө 332 мөлүйүөн солкуобайы ыыппыт, 9 мөлүйүөнтэн тахса солкуобайга чугастааҕы сири тупсарбыттар. Бу туһунан хампаанньа пресс-сулууспата иһитиннэрдэ.

Ол курдук 90 миэстэлээх аныгылыы, икки мэндиэмэннээх таас оскуола дьэндэйдэ. Оскуоланы саҥа миэбэллэринэн хааччыйбыттар, омук тылын үөрэтэргэ лингафоннай тэрил баар буолбут. Оттон физика уонна химия уруоктарыгар оҕолор лабораторнай үлэ оҥороллоругар анаан паарталарга анал кырааннары туруорбуттар.

“Саҥа оскуола эбэтэр уһуйаан аһыллыыта куруук олус үөрүүлээх буолар. Онон Абый курдук ыраах сытар нэһилиэккэ оскуола тутуллубутуттан олохтоохтор олус үөрэллэр. Хампаанньабыт бу курдук бырайыактарга кыттан, баар тутуулары тупсаран, ыраах нэһилиэктэргэ оҕолор үчүгэй үөрэхтэнэллэригэр көмөлөһөрбүт хайаан да наада”, – диэн АЛРОСА генеральнай дириэктэрин солбуйааччыта Алексей Дьячковскай эттэ.

АЛРОСА үбүлүүр социальнай тутуулара Үүнэр көлүөнэ пуондатын нөҥүө сыл аайы ыытыллаллар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

7 + 17 =

ЛЕНТА НОВОСТЕЙ