Ахсынньы ый билгэтэ (ВИДЕО)

Комментарии От редакции

Поделиться:

Баай байанайдаах сэтинньи ыйы аам-даам тымныылаах ахсынньы солбуйда. Хотугу сахалар ахсынньыны күн киирэр ыйа диэн ааттыыллара. Оттон айыы үөрэҕэ этэринэн бу ыйга киһиэхэ Билгэ Хаан чугаһыыр.

Өбүгэлэрбит айылҕаны кэтээн көрөн, күнү-дьылы билгэлиир үгэстээхтэрэ. Өскөтүн таһырдьа киһи тыына сырдыргыыр буоллаҕына, тоһуттар тымныы түһэр. Оттон ый түүнүн кыһыллыҥы өҥнөнөр буоллаҕына, былыт, хаар кэлэр.

Ол эрээри кэнники сылыктыыр-билгэлиир уустугурда диэн Сунтаар кырдьаҕас олохтооҕо Мария Яковлева санаатын үллэстэр. Онон кини анал приборун этэргэ дылы кыбыммытынан сылдьар. Салгын баттааһына намыһах буоллаҕына сылаас халлааны кэтэһэр, төттөрүтүн үрдээтэҕинэ, аан туман бурхайыыһы.

Кырдьык кэнники кэмҥэ халлаан бутуйар-таһыйар буолла. Бу нэдиэлэҕэ Красноярскай диэкиттэн тымныы салгын сабардаан, республика үрдүнэн ортотунан 40 кыраадыс тымныйан баран, эмиэ тыалыран, былытын аҕалла. Ити гынан баран аҕыйах хонугунан кырыа кыһын обургу тыйыс тыынын биллэриэҕэ диэн гидрометкиин салайааччыта Александр Аржаков этэр.

Ол эрээри тоһуттар тымныы соччо-бачча уһуо суоҕа диэн Тускул билгэлиир. Кини кэтээн, тэҥнээн көрбүтүнэн, сыл-сылы батыһар, Быйылгы дьыл 1975, 86 уонна 2006 сылларга майгыннаһар. Оччолорго ахсынньыга ортотунан 38-40 кыраадыс буолбут.

Уопсайынан, хайдах күн-дьыл үүнэрэ ый-күн алтыһыытын, куйаары кытта быһаччы ситимнээх. Икки тыһыынча сылтан бэттэх күҥҥэ элбэх эстии буолбута. 2011 сыллаахха сүүстэн тахса оннук улахан хамсааһын тахсыбыта Ол кэлин хас эмэ төгүл аччаан, быйыл баара-суоҕа 16 эстии бэлиэтэннэ. Дьэ бу куйаарга уларыйыы кыһыҥҥы, сайыҥҥы халлаанна дьайар. Тускул сабаҕыылырынан, ахсынньыга, тохсунньуга сүнньүнэн сымнаһыар халлаан туруоҕа, ол оннугар олунньуга аан туманнаах буолуон сөп. Сайын даҕаны өнүрүк куйаас аҕыйах хонукка түһэн ааһыа.

Бу орто дойду олоҕо төһө да балысханнык сайда турдар, туох барыта иэҕиллэн кэлэн син-биир айылҕаны кытта ситимнэнэр. Онтон аан айылҕа сүдү күүһэ биир дьиктилээх. Угут-кураан дьыл кэмиттэн кэмигэр эргийэр, барытын тэнээн орто сүнньүн тутуһар.



Поделиться:



Добавить комментарий

Ваш e-mail не будет опубликован. Обязательные поля помечены *

1 × один =

ЛЕНТА НОВОСТЕЙ