Айдарыылаах оҕолорго аналлаах киин Саха сиригэр тэриллиэҕэ

Комментарии Образование и здравоохранение

Поделиться:

НВК САХА – Саха сиригэр айылҕаттан айдарыылаах оҕолору булар уонна өйүүр киин тэриллиэҕэ. Киин эһиил Саха сирин наукатын алын академиятын базатыгар, Хаҥалас улууһун Өктөм нэһилиэгэр аһыллан үлэлиэҕэ. Академия 150 миэстэлээх лабораторнай куорпустаах уонна 100 миэстэлээх саҥа интернаттаныахтаах.

«Талааннаах оҕолору булан сайыннарыы систиэмэтэ биһиги өрөспүүбүлүкэбит киэҥ сирин, ыраах сытар нэһилиэктэрин учуоттаан оҥоһуллуохтаах. Түгэх сытар улуустарга айылҕаттан талааннаах оҕо элбэх. Саҥа тэриллэр киин маннык оҕолору түмэн, талааннарын салгыы арыйар соруктаах», – диэтэ Айсен Николаев.

Мунньахха бырабыыталыстыба салайааччылара, үөрэх уонна наука миниистирэ Владимир Егоров, СӨ инники көлүөнэтин сыаллаах пуондатын уонна СӨ алын академиятын бэрэстэбиитэллэрэ кытыннылар.

Оҕо уонна ыччат талаанын арыйыы бэрэсидьиэн Владимир Путин былырыын ыам ыйынааҕы ыйааҕар туруорбут национальнай бырайыактарыгар сөп түбэһэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

4 × 5 =

ЛЕНТА НОВОСТЕЙ