Айхалга – бырабыыталыстыба отчуота. Хаарбах туруктаах дьиэлэри көтүрүүгэ болҕомто уурулунна

Комментарии Общество и политика

Поделиться:

НВК САХА – Мииринэй улууһун Айхал бөһүөлэгэр олунньу 7 күнүгэр улуус салалтатын кытта СӨ бырабыыталыстыбатын бөлөҕө тиийбитэ. Маныаха олохтоохтор хаарбах туруктаах дьиэлэри көтүрүү туһунан ыйытыыларыгар болҕомто уурулунна. Бу туһунан Айхал салалтатын пресс-сулууспата иһитиннэрэр.

Бырабыыталыстыба чилиэннэрэ Айхалга сыллааҕы отчуоттарын ыыттыллар. Бөлөҕү иилээн -саҕалаан СӨ бырабыыталыстыбатын бэрэссэдээтэлин бастакы солбуйааччыта Алексей Колодезников салайда.

Бөһүөлэк олохтоохторо уонна дэлэгээссийэ чилиэннэрэ олорон кэпсэттилэр, ыйыыталарга хоруйдаатылар. Маныаха хаарбах туруктаах дьиэлэри көтүрүү, өрөмүөннээһин уонна эдэр ыаллары дьиэнэн хааччыйыы ыйытыыларга болҕомтолорун уурдулар.

Айхал олохтоохторо үгэс быһыытынан “Сбербанк” үлэтин кыраапыгын, почтаны тиксэрии, балыыһаҕа анал идэлээх быраастар тиийбэттэрин туһунан уонна да атын кыһалҕалаах боппуруостарын биэрдилэр.

Миграция пуунугар кыраныысса таһыгар тахсарга саҥа пааспары оҥорор анал тэрил суоҕа хаһыс да сылын олохтоохтору долгутар. Ол иһин Айхал олохтоохторо дөкүмүөн оҥотторо уонна ону ыла, Мииринэй куоракка иккитэ кырыныахтарын наада.

Ол иһин Мииринэй куораттан федеральнай миграционнай сулууспа салалтатын үлэһиттэрэ бөһүөлэккэ кэлэллэрин туһунан этии көтөхтүлэр. Маны таһынан суут-медицина эспэртиисэтин ыытарга сөптөөх усулуобуйа хаһан тэриллиэҕин уонна морг модульнай дьиэтэ төһө тутуллар кыахтааҕын ыйыттылар.

Олохтоохтор “Бүлүү” сыл устата үлэлиир суол, Өлүөнэ муостатын, уматык сыаната үрдүүрүн, “Полярнай” аэропорт дьиэтин өрөмүөнүн туһунан ыйыттылар. Айхаллар биэрбит ыйытыыларыгар бырабыыталыстыба сиһилии эппиэттээтэ.

Бырабыыталыстыба бөлөҕө тутулла турар МРТК, Айхаллааҕы балыыһаҕа уонна таҥара дьиэтигэр сырыттылар.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемнадцать − пять =

ЛЕНТА НОВОСТЕЙ