Айсен Николаев алмаасчыттар олорор дьиэлэрин-уоттарын усулуобуйатын билистэ

Комментарии Общество и политика

Поделиться:

 

НВК САХА – Бүгүн Ил Дархан Айсен Николаев «АЛРОСА» хампаанньа сыллата ыытар «Хозактив-2019» пуорумугар кыттар диэн СӨ бырабыыталыстыбатын пресс-сулууспата иһитиннэрэр.

Айхаллааҕы хайаны байытар кэмбинээт иһинэн «Заря» айылҕа баайдаах сир аһыллыыта сүрэхтэннэ. Пуорум иккис чааһыгар  хампаанньа үлэһиттэриттэн «АЛРОСА» салалтатыгар 200 ыйытыы киирдэ. Шахтердар, улахан тиэхиньикэ машинистара, маркшейдердар, электрогазосварщиктар о.д.а. хамнас хаһан үрдүүрүн сурастылар.

Санаттахха, алмаас бырамыысыланнаһыгар орто хамнас 110-120 тыһыынча солкуобайга тэҥ.  Арассыыйа араас муннуктарыттан баахта ньыматынан үлэлии кэлбит дьон дойдуларыгар баралларыгар айан төлөбүрүн ыйыталастылар.  Айхал олохтоохторо истиэнэлэрэ хайа барбыт, уулара хам тоҥон хаалар хаарбах дьиэҕэ олороллорун кэпсээтилэр.

«Мииринэй оройуона саахалланар туруктаах дьиэттэн дьону көһөрүү бырагырааматыгар киирсэр, чуолаан Айхалга 150 хаарбах дьиэттэн дьону көһөрүөхтээхпит», — диэн Айсен Николаев эттэ.

Бүгүҥҥү пуорумҥа Удачнайтан, Айхалтан, Үөһээ Муунаттан, Накыынтан, Анаабыртан о.д.а. алмаасчыттар быһа эфиргэ холбонон, үлэлэрин, олорор дьиэлэрин-уоттарын усулуобуйатын туһунан  үрдүкү салалтаны кытта кэпсэттилэр, кыһалҕаларын быһаартардылар.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

девятнадцать − девять =

ЛЕНТА НОВОСТЕЙ