Айсен Николаев Арассыыйа хамаандатын өйүүргэ флешмоб саҕалаата

Комментарии Спорт и культура

Поделиться:

НВК САХА – Ил Дархан Айсен Николаев көҥүл тустуу аан дойдутааҕы Кубогар Арассыыйа сүүмэрдэммит хамаандатын өйүүргэ флешмоб биллэрдэ. Бу туһунан Айсен Николаев социальнай ситимнэргэ суруйар.

“Күндү доҕоттор, Дьокуускайга көҥүл тустуу Кубога ыытылла турар. Аан дойду саамай күүстээх аҕыс хамаандата киирсэр. Арассыыйа сүүмэрдэммит хамаандатыгар Арыйаан Тютрин уонна Виктор Рассадин бааллар. Дойдубут хамаандатын өйүөҕүҥ, кыайыыны баҕарыаҕыҥ. #Россиякытаат диэн хештеги бэлиэтээҥ” , – диэн Ил Дархан суруйбут.

Эрдэ этиллибитин курдук, Арыйаан Тютрин Куба спортсменын 8:3 ахсаанынан кыайбыта.

Кубогы бүгүн, кулун тутар 16 күнүгэр, 16. 00 – 19.00 чааска, сарсын, кулун тутар 17 күнүгэр, 11.00 – 19.00 чааска диэри көрүҥ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

два × 4 =

ЛЕНТА НОВОСТЕЙ