Айсен Николаев Бүлүүгэ суруналыыстары туппуттарын туһунан санаатын эттэ

Комментарии Главные новости, Общество и политика

Поделиться:

НВК САХА – Ил Дархан Айсен Николаев Бүлүүгэ «Саха» НКИХ суруналыыстарын туппуттарын «акаары быһыы» диэн эттэ.

Санатан эттэххэ, бу оптуорунньукка “Якутия 24” ханаал устар бөлөҕүн полиция отделыгар Бүлүү куоратын мэрин сайабылыанньатынан илдьибиттэрэ. Ол курдук кэрэспэдьиэн уонна оператор суол уонна социальнай эйгэ өттүгэр балаһыанньа хайдаҕын ыйыппыттарыгар маннык түбэлтэ тахсыбыта. Хампаанньа үлэһиттэрэ полицияҕа быһааран эппиттэрин кэннэ ыыппыттара.

«Бэйэлэрин үлэлэрин толоро тиийбит суруналыыстары туох даҕаны төрүөтэ суох полицияҕа туттарыы, мин санаабар, муниципальнай тэриллии салайааччытын өттүттэн улахан акаары быһыы. Миэхэ араас дьон барыта кэлэр, кинилэри полицияҕа туттарар туһунан өй киирбэт. Ол иһин, бу быһыы, биллэн турар, сыыһа», — диэтэ Ил Дархан.

Кини  этэринэн, баһылык быһыытын-майгытын туһунан бэйэтин кэмигэр быыбардаабыт олохтоохтор сыаналыахтаахтар.

«Бу түгэн баһылык оруолун туһунан сыыһа өйдөбүлү көрдөрөр. Кини үлэлиир истиилэ, мин санаабар, соччото суох. Бүддьүөтү ороскуоттааһыны куруук бэрэбиэркэлиибит. Бу түгэҥҥэ тустаах дьаһал бэриллиэҕэ. Бэрэбиэркэ барыаҕа», — диэн эбэн эттэ Айсен Николаев.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пятнадцать + 18 =

ЛЕНТА НОВОСТЕЙ