Айсен Николаев: Бары бииргэ үлэҕэ ылыстахпытына, барыта табыллар

Комментарии Главные новости, Общество и политика

Поделиться:

НВК САХА – Ил Дархан Айсен Николаев Россия күнүнэн эҕэрдэлээтэ. Бу туһунан Саха сирин официальнай иһитиннэрэр порталыгар суруллар.

“Күндү Саха сирин олохтоохторо, Россия күнүнэн эҕэрдэлиибин!

Бу күнтэн саҕалаан дойдубут судаарыстыбаннаһын саҥа аныгылыы кэрдииc кэмэ саҕаламмыта. 1990 сыл бэс ыйын 12 күнүгэр РСФСР дьокутааттарын маҥнайгы сийиэстэригэр Россия судаарыстыбаннай суверенитетын туһунан Декларация ылылыммыта. Дойдубут Россия Федерацията диэн ааттаммыта. 1992 сыллаахха бу күн Россия бэрэсидьиэнин талар аһаҕас быыбар буолбута.  Дойдубутугар бу сыллар тухары араас уларыта тутуулар ааһан, иннин хоту сайдарга өссө күүһүрэн барбыта”, – диэн Айсен Николаев эҕэрдэтигэр этиллэр.

Россия күнэ дойдубут көҥүл, тутулуга суоҕун бэлиэтиир. Ол туһугар норуоппут Ийэ дойдуларын көмүскээн, сайыннаран, тутан кэлбиттэрэ.

“Элбэх норуоттаах дойдуга олорорбут быһыытынан, Россиябыт элбэх үйэлэрдээх историятынан, култуураларынан, үгэстэринэн, наукаҕа ситиһиилэрбитинэн киэн туттабыт. Аҕа дойдуну көмүскээбит биир дойдулаахтарбытынан киэн туттабыт, төрөөбүт дойдубут туһугар үлэлиир-хамсыыр дьоммутун ытыктыыбыт уонна кинилэргэ махтанабыт”, – диир Ил Дархан.

Оттон Саха сирэ, Россия биир саамай улахан региона уонна аан дойду үрдүнэн киэҥ нэлэмэн сири тайаан сытарын быһыытынан, уопсай үлэҕэ улахан кылаатын киллэрэр.

“Саха сиригэр бөдөҥ инвестиция бырайыактара олоххо киирэллэр, социальнай эйгэ сайдар, саҥа тутуулар үлэҕэ киирэллэр, үлэ миэстэлэрэ тахсаллар. Онон сайдарга бары кыах баар. Бары бииргэ үлэлээтэхпитинэ, барыта табыллар! Россия күнүнэн, доруобуйаны уонна этэҥҥэ буолуҥ!”, – диэн Ил Дархан түмүктээтэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемь + восемь =

ЛЕНТА НОВОСТЕЙ