Айсен Николаев: Кангалас тумуһун анныгар муус бүрүөтэ кэбириир

Комментарии Главные новости

Поделиться:

НВК САХА – Кангалас тумуһун анныгар харан турбут муус бу күннэргэ кэбириэ. Бу туһунан СӨ бырабыыталыстыбатын бэрэссэдээтэлин маҥнайгы солбуйааччы Алексей Колодезников өрөспүүбүлүкэҕэ халаан туругун туһунан пресс-конференциятыгар Дьокуускай куорат баһылыга Айсен Николаев иһитиннэрдэ.

“Кангалас тумуһун анныгар муус кэбирээтэ. Билигин Кангаласка уу эбилиннэҕинэ, муус алдьаныа. Муус бүрүөтэ кэбирээтэҕинэ, харыы тахсыбатын туһугар дэлби тэптэриэхпит”, – диэн Николаев эттэ.

Кини бэлиэтээбитинэн, Табаҕаҕа билигин да балаһыанньа ыарахан, бөөлүүн түүн уу таһыма үрдээтэ. Бөһүөлэккэ 83 даача уонна икки олорор дьиэ ууга барда. “Билигин балаһыанньа хонтуруолланар. Табаҕаҕа муниципальнай күүс, быраабы араҥаччылааччылар, медицина сулууспатын үлэһиттэрэ күнүстэри-түүннэри үлэлииллэр”, – диэн баһылык эттэ.

Даркылаах эҥээригэр уу дьиэлэри, тутуулары ылар. Онно 39 киһи олорор 37 дьиэ ууга барда. Николаев бэлиэтээбитинэн, ууга барбыт сир хонтуруолга турар. Ыам ыйын 16 күнүгэр 10.00 чаас туругунан, Табаҕаҕа уу таһыма 1086 см тэҥнэһэр, биир чаас иһигэр 1 см түстэ.  –яв//кс

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

тринадцать + пятнадцать =

ЛЕНТА НОВОСТЕЙ