Айсен Николаев: Крым муостата тутулунна, онон Өлүөнэни туоруур муоста тутуллар кэмэ кэллэ

Комментарии Главные новости, Экономика и сельское хозяйство

Поделиться:

НВК САХА – Крымҥа муоста тутулунна, аны Өлүөнэ өрүһү туоруур муоста тутуллар бириэмэтэ кэллэ. Бу маннык этиини Ил Дархан эбээһинэһин быстах кэмҥэ толорооччу Айсен Николаев «Россия 24» уонна «НТВ» федеральнай ханаалларга оҥордо. Кини этэринэн, бу бырайыак хайаан да олоххо киириэхтээх.

Өлүөнэ өрүһү туоруур муоста тутуутун бырайыага экономическай эрэ өттүнэн буолбакка, геостратегическай өттүнэн эмиэ суолталаах. Бу муоста өрүс икки аҥы сытар дойду илин уонна арҕаа өттүн сибээстиэ.

«Билигин хас да көлүөнэ Саха сирин олохтоохторун ыра санааларын олоххо киллэрэн, үс федеральнай суолу ситимниир өрүһү туоруур муоста тутуутун саҕалыыр кэм үүннэ. Оччотугар дойду илин уонна арҕаа өттө ситимнэниэ. Биһиги БАМ, Транссиб суолларын эрэ нөҥүө ситимнэһэр буоламмыт, хоту өттө быстан турар. Муоста тутулларын кэтэспиппит быданнаата. Крым муостата тутулунна, онон Өлүөнэни туоруур муоста тутуллар кэмэ кэллэ. Бу сүдү суолтаалаах бырайыак хайаан да олоххо киириэхтээх», – диэн эттэ.

Кини этэринэн, киэҥ сирдээх-уоттаах Саха сиригэр суолу-ииһи сайыннардахха эрэ, салгыы сайдыы суолун тутуһар кыахтаахпыт. –яв//кс

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

три × 5 =

ЛЕНТА НОВОСТЕЙ