Айсен Николаев: Өлүөхүмэ оройуонун олохтоохторо сомоҕолоһоллор

Комментарии Главные новости, Общество и политика

Поделиться:

НВК САХА – Ил Дархан Айсен Николаев Өлүөхүмэ оройуонун олохтоохторо сомоҕолоһуулаахтарын бэлиэтээтэ. Бу туһунан Николаев Instagram-гар суруйда.

“Олохтоохтор сомоҕолоһоллор, түмсүүлээхтэр. Оройуон киинэ эрэ буолбакка, Токко, Даппарай курдук кытыы сытар сэлиэнньэлэр эмиэ сайдаллар. Дьон үлэлиэн-хамсыан, сайдыан баҕарар”, – диэн Ил Дархан эттэ.

Ол эрээри Ил Дархан оройуоҥҥа кыһалҕалаах боппуруостар баалларын бэлиэтээтэ.

“Холобур, Токко сэлиэнньэтиттэн Даппарайга диэри суол тутуута. Биллэн турар, суолу тутуохпут, бу суол оройуон үгүс нэһилиэнньэлээх пууннарын ситимниир”, – диэн Николаев иһитиннэрдэ.

Маны таһынан, тыа хаһаайыстыбатын саҥа таһымҥа таһаарыахха наадатын иһитиннэрдэ. Оттон хаарбах туруктаах дьиэлэртэн көһөрүү бырагыраама иккис түһүмэҕин иитинэн, 1880 киһини көһөрөр былааннаахтарын эттэ.

Айсен Николаев 2020 сылга Өлүөхүмэҕэ ыытыллыахтаах Олоҥхо ыһыаҕын сирин-уотун көрдө.

Санатар буоллахха, Ил Дархан бу иннинэ Кыыллаах сэлиэнньэтин оскуолатын иһинэн үлэлиир  “Мы – россияне” диэн кыраайы үөрэтэр, историческай түмэлгэ сылдьан, сыанабылын суруйан хаалларбыта.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

два × пять =

ЛЕНТА НОВОСТЕЙ