Айсен Николаев: Өлүөнэ муостата таһаҕаһы тиэйэргэ 8 млрд солк кэмчилиэн сөп

Комментарии Главные новости, Экономика и сельское хозяйство

Поделиться:

НВК САХА – Өлүөнэ өрүс муостата тутулуннаҕына, хотугу улуустарга таһаҕаһы тиэйэргэ 8 миллиард солкуобайы кэмчилэниэн сөп. Бу туһунан Айсен Николаев Санкт-Петербурга ыытыллыбыт норуоттар икки ардыларынааҕы “Арктика- кэпсэтии түһүлгэтэ” диэн Арктика пуорумугар иһитиннэрдэ диэн өрөспүүбүлүкэ баһылыгын пресс-сулууспата суруйар.

“Саҥа муоста тутулуннаҕына, хотугу улуустарга таһаҕаһы тиэйэргэ кэмчилиир кыахтаныахпыт. Биһиги аахпыппытынан, таһаҕаһы үчүгэйдик тиэртэхтэринэ, 8 миллиард солкуобайы кэмчилиэхпитин сөп. Бу харчы таһаҕастааҕар быдан сытыы кыһалҕалары быһаарыа этэ”, – диэн Айсен Николаев эттэ.

Николаев эппитининэн, өрүс нөҥүө Саха сирин 85 % дьоно-сэргэтэ олорор. Суол тохтоло суох сылы эргиччи суоҕуттан элбэх кыһалҕаны көрсөллөр.

Айсен Николаев бэлиэтээбитинэн, муоста тутуута – Саха сиригэр эрэ буолбакка, дойду Хотугулуу-Илиҥҥи өттүгэр экономическай уонна социальнай улахан суолталаах бырайыак.

Муоста тутулуннаҕына, Саха сирин баалабай бородууктатыгар эбии угуллан, 2 — 2,5 % буолуо.

Саха сиригэр тырааныспар сырыыта көннөҕүнэ, трассалартан уонна магистраллартан ойуччу сытар сир туһалаах баайдарын хостуурга үлэни саҕалыахха сөп буолуо диэн Ил Дархан бэлиэтээн эттэ.

Ил Дархан этэринэн, Арктика бырайыактара: резиденнэргэ нолуок чэпчэтиилэрэ, экономическай уонна социальнай сайдыы, экология бырайыактара кылгас кэм иһигэр өрөспүүбүлүкэҕэ олоҕу биллэ тупсарыахтара.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

два − 1 =

ЛЕНТА НОВОСТЕЙ