Айсен Николаев Мэҥэ Хаҥалас кэскилин, сайдар саҕахтарын торумнаата

Комментарии Главные новости, Общество и политика

Поделиться:

НВК САХА – Ил Дархан эбээһинэһин быстах кэмҥэ толорооччу Айсен Николаев Мэҥэ Хаҥаласка тиийэн үлэлээтэ. Оройуон сайдар саҕахтарын ырыттылар, Айсен Николаев бэйэтин этиилэрин киллэрдэ. Ол курдук аҕыйах сылынан Майа сэлиэнньэтигэр култуура киинэ тутуллуо диэтэ, Дмитрий Ходулов аатынан народнай тыйаатыры көрдө.

“Мэҥэ Хаҥалас култуура эйгэтигэр үрдүк таһымнаахтык үлэлиир. Оройуоҥҥа култуура киинэ тутуллара тоҕоостоох. Урукку сылларга бырайыага оҥоһуллан турар. Хомойуох иһин, Майаҕа үлэлии турар народнай тыйаатыр олус эргэ, хаарбах туруктаах, 60-с сылларга тутуллубут дьиэҕэ үлэлии олороллор. Бырабыыталыстыбаҕа сорудах биэрдим, кэлэр сылларга култуура дыбарыаһа тутуллуохтаах”, – диэтэ Айсен Николаев.

Айсен Николаев маны таһынан Аллараа Бэстээх инникитин Мэҥэ Хаҥаласка, республикаҕа эрэ буолбакка, Россия бүтүн хотугулуу-илиҥҥи өттүгэр саамай улахан тырааныспар логистическай киинэ буолуохтаах диэтэ.

“Быйыл федеральнай бүддьүөттэн 1 млрд 900 мөл солкуобай көрүллэн, “Саха сирин тимир суоллара” хампаанньа үлэтин саҕалаата. Хампаанньа генеральнай дириэктэрэ Василий Шимохин дакылааттаабытын курдук, быйыл сөптөөх үлэ ыытыллан, сыл бүтүүтэ эбийиэк үлэлиэ”, – диэтэ Николаев.

Быйыл халаан уута күүскэ кэлэн, хас да оройуон улаханнык эмсэҕэлээбитэ. Ол курдук Мэҥэ Хаҥалас сорох нэһилиэктэрэ эмиэ ууга барбыттара. Эмсэҕэлээбиттэргэ федеральнай бүддьүөттэн үп көрүллэн, бу күннэргэ харчынан көмөнү тутуохтара диэн Айсен Николаев эрэннэрдэ.

“Халаантан эмсэҕэлээбит дьоҥҥо федеральнай бүддьүөттэн Саха сиригэр үп-харчы тыырыллыахтаах, онон бу күннэргэ көмөнү толору ылыахтара”, – диэн Ил Дархан эбээһинэһин толорооччу түмүктээтэ.   –кс

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

два × один =

ЛЕНТА НОВОСТЕЙ