Айсен Николаев миниистирдэри Илиҥҥи экономическай пуорумҥа бэлэмнэниини күүһүрдэргэ ыҥырда

Комментарии Экономика и сельское хозяйство

Поделиться:

НВК САХА – Бүгүн, от ыйын 22 күнүгэр, киэҥ ыҥырыылаах мунньахха Ил Дархан Айсен Николаев бырабыыталыстыба чилиэннэригэр Владивостокка ыытыллыахтаах Илиҥҥи экономическай пуорумҥа бэлэмнэниини күүһүрдүөх тустаахтарын бэлиэтээтэ. Бу туһунан СӨ баһылыгын уонна бырабыыталыстыбатын пресс-сулууспата иһитиннэрдэ.

“Быраабыыталыстыба чилиэннэригэр Национальнай бырайыактары олоххо киллэрии чэрчитинэн субсидияҕа тиксии куонкуруһугар сайаапкалары бэлэмниири түргэтитэр сорук бэрилиннэ”, – диэн иһитиннэриигэ этиллэр.

Илиҥҥи экономическай пуорум Владивостокка балаҕан ыйын 4 – 6 күннэригэр ыытыллыаҕа. Санатар буоллахха, от ыйын 29 күнүттэн 30 күнүгэр диэри Дьокуускайга Саха сирин бырабыыталыстыбата Росконгресс Пуондатын өйөбүлүнэн Илиҥҥи экономическай пуорум көһө сылдьар сессиятын ыытыа.

Саха сиригэр Илиҥҥи экономическай пуорум көһө сылдьар сессията норуоттар икки ардыларынааҕы финансовай тэрилтэлэри уонна бааннары кытта партнерскай сыһыаны кытаатыннарыыга уонна сайыннарыыга тирэх буолуо, ону кытта инвестиционнай бырайыактары уонна кыра, орто урбааннары сайыннарыыга уһансыа.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

4 + девятнадцать =

ЛЕНТА НОВОСТЕЙ