Айсен Николаев Нерюнгрига суол быһылааныгар өлбүт дьон дьиэ кэргэттэригэр дириҥ кутурҕанын тиэрдэр

Комментарии Главные новости, Общество и политика

Поделиться:

НВК САХА – Ил Дархан Айсен Николаев Нерюнгри оройуонугар атырдьах ыйын 13 күнүгэр буолбут суол быһылааныгар тыыннара быстыбыт дьон дьиэ кэргэттэригэр кутурҕанын тиэрдэр. Бу туһунан Ил Дархан Instagram ситимҥэ суруйда.

“Лена” федеральнай суолга тахсыбыт алдьархайга өлбүт дьон дьиэ кэргэттэригэр дириҥ кутурҕаммын тиэрдэбин. Бүгүн сарсыарда Нерюнгри уонна Чульман икки ардыгар тоҕус киһилээх тойота уонна КАМАЗ массыына харсыспыттара билиннэ.

Тойота массыынаҕа баар биэс эдэр киһи тута өлбүт. Түөрт киһи реанимацияҕа сытар, олортон иккитэ ыарахан туруктаах.

Бу курдук алдьархайга дьон олоҕо быстара олус хомолтолоох. Ордук эдэр дьон… Эмсэҕэлээбит дьон түргэнник үтүөрэ охсоллоругар баҕарабын!”, – диэн Айсен Николаев суруйар.

Олоҕу сыаналааҥ, суол быраабылатын тутуһуҥ уонна чугас дьону харыстааҥ диэн Ил Дархан бэлиэтээтэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

19 + 13 =

ЛЕНТА НОВОСТЕЙ