Айсен Николаев: Норуоттар сомоҕолоһор уонна түмсүүлээх буоллахтарына, дойдубут кыаҕа бөҕөргүөҕэ уонна инники кэскилэ түстэниэҕэ

Комментарии Главные новости, Общество и политика

Поделиться:

Ытыктабыллаах Саха сирин олохтоохторо!

Саха Өрөспүүбүлүкэтин салалтатын уонна тус бэйэм ааппыттан эһигини Норуот сомоҕолоһуутун күнүнэн ис сүрэхпиттэн эҕэрдэлиибин!

Бу норуоттар сомоҕолоһууларын уонна түмсүүлэрин, иллээхтик-эйэлээхтик олорорго дьулуһууларын кэрэһилиир бэлиэ күн аныгы Арассыыйа судаарыстыбаннай бырааһынньыктарын ортотугар уһулуччу миэстэни ылар.    

Саха Өрөспүүбүлүкэтэ түөрт үйэ кэриҥэ Арассыыйа судаарыстыбатын быстыбат сорҕотунан буолар. Элбэх омуктаах өрөспүүбүлүкэбит олохтоохторун быдан үйэлэртэн төрөөбүт ийэ сиргэ таптал, хардарыта көмөлөсүһүү, үлэҕэ үтүө суобастаахтык сыһыаннаһыы уонна өрөспүүбүлүкэбит уонна дойдубут инники кэскилин туһугар уопсай эппиэтинэс түмэр. 

Сомоҕолоһуу уонна норуоттар иллээх-эйэлээх буолуулара – бу ханнык баҕарар судаарыстыба чэчирии сайдар төрүөтэ. Норуоттар сомоҕолоһор уонна түмсүүлээх буоллахтарына, дойдубут кыаҕа бөҕөргүөҕэ уонна инники кэскилэ түстэниэҕэ. Биһигини барыбытын, итэҕэлиттэн, омугуттан, социальнай балаһыанньатыттан тутулуга суох историяҕа киирбит уопсай  дьылҕабыт, үлэҕэ уонна чэчирии сайдыыга дьулуһуу, өрөспүүбүлүкэбит уонна дойдубут туһугар гражданин быһыытынан ытык иэспит уонна эппиэтинэспит түмэр.

Бүгүн бары бииргэ элбэх омуктаах өрөспүүбүлүкэбит чаҕылхай историятын айабыт, сэлиэнньэлэри уонна куораттары тупсаҕай оҥоробут, суоллары уонна дьиэлэри тутабыт, социальнай эбийиэктэри үлэҕэ киллэрэбит, култуураҕа уонна спорка ситиһиилэрбитин хаҥатабыт, оҕолорбутун ийэ дойдуну таптааһын төрүттэригэр, бэтэрээннэргэ уонна аҕа көлүөнэҕэ тапталга уонна ытыктабылга иитэбит. Бары уопсай күүспүтүнэн өрөспүүбүлүкэбит иннин диэки эрэллээхтик хардыылыырын хааччыйыахпыт уонна торумнаабыт сыалларбытын ситиһиэхпит.

Эһиэхэ уонна дьиэ кэргэҥҥитигэр чэгиэн доруобуйаны, дьолу-соргуну, эйэни, үтүө санааны, этэҥҥэ буолууну уонна Саха сирэ уонна Арассыыйа чэчирии сайдалларын туһугар бары саҕалааһыннаргытыгар ситиһиилэри баҕарабын!

Айсен Николаев, Саха Өрөспүүбүлүкэтин Ил Дархана



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемнадцать + 12 =

ЛЕНТА НОВОСТЕЙ