Айсен Николаев саха норуотун VII спортивнай оонньууларын туһунан: Барыта табыллыа диэн эрэнэбин

Комментарии Общество и политика

Поделиться:

НВК САХА – Амма оройуонугар  саха норуотун VII спортивнай оонньууларыгар бэлэмнэнии үчүгэйдик баран иһэр. Бу туһунан от ыйын 21 күнүгэр Айсен Николаев Аммаҕа бара сылдьан бэлиэтээтэ диэн бырабыыталыстыба пресс-сулууспата иһитиннэрэр.

Мунньах кэмигэр Амма нэһилиэгэр стадион уонна элбэх функциялаах саала тутуллан бүтэн эрэр диэтилэр. Республика үп министиэристибэтин кытта Бөтүҥнээҕи спорт саалата оонньуулар саҕана тутуллан бүтэригэр сүбэлэстилэр.

Оттон Чапчылҕаннааҕы спорт саалатын тутуута сөпкө баран иһэр. Манна мини-футболга күрэхтэһии ыытыллыахтаах. Тутуу өттүгэр сорох боппуруостары бэдэрээччит учуоттуохтаах уонна көннөрүөхтээх.

Маны таһынан Амма суолун, сибээһин, уот ситимин, ыалдьыттары, территорияны тупсарыы уонна күрэхтэһээччилэри, ыалдьыттары аһатарга уонна олохтуурга араас хабааннаах боппуруостары көрдүлэр.

Айсен Николаев Амма олохтоохторо күүс-көмө буолуох тустаахтарын бэлиэтээтэ. Бырабыыталыстыба бары эбээһинэстэрин толоруо.

“Оройуон уонна нэһилиэк администрацията оонньуулары үрдүк таһымҥа ыытар санаалааҕа көстөр. Ол гынан баран саамай сүрүнэ – олохтоохтор кытталлара буолар. Аммалар территорияны тупсарарга көхтөөхтүк кытыннахтарына, барыта табыллыа диэн эрэнэбин”, – диэтэ Ил Дархан эбээһинэһин быстах кэмҥэ толорооччу.   –кс

 

Источник: сайт телеканала “Якутия 24”. 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

2 × четыре =

ЛЕНТА НОВОСТЕЙ