Айсен Николаев уонна Константин Цицин хаарбах дьиэттэн көһөрүү бырагыраама иккис түһүмэҕин дьүүллэстилэр

Комментарии Главные новости, Общество и политика

Поделиться:

НВК САХА – Бүгүҥҥү күҥҥэ өрөспүүбүлүкэҕэ барыта 1 мөлүйүөн 140 тыһыынча кв.миэтэрэ иэннээх 3,5 тыһыынча кэриҥэ элбэх кыбартыыралаах хаарбах дьиэ баар. Бу туһунан Саха сирин баһылыга Айсен Николаев «2019-25 сылларга хаарбах дьиэттэн дьону көһөрүү» өрөспүүбүлүкэтээҕи аадырыстаах бырагырааманы олоххо киллэрии туһунан сүбэ-мунньахха иһитиннэрдэ.

Мунньахха дьиэ-уот хомунаалынай хаһаайыстыбаны уларыта тутууга көмөлөһөр Россиятааҕы пуонда салайааччыта Константин Цицин кытынна.

Ил Дархан бырагыраама бастакы түһүмэҕин олоххо киллэрэргэ көмө иһин пуондаҕа уонна тус Константин Цициҥҥа махтанна. Ол кэмҥэ 2012 сыл тохсунньу 1 күнүгэр диэри хаарбах туруктааҕынан билиниллибит дьиэлэртэн дьону көһөрүүгэ пуондаттан 12 миллиард, өрөспүүбүлүкэттэн хос үбүлээһин быһыытынан 16 миллиард солкуобай көрүллүбүтэ. Ол көмөтүнэн 500 тыһыынча кв. миэтэрэ кэриҥэ иэннээх хаарбах дьиэттэн 32 тыһыынчаттан тахса киһи саҥа дьиэҕэ көспүтэ, элбэх кыбартыыралаах 360 тахса дьиэ тутуллубута.

Билигин 2025 сылга диэри үлэ иккис түһүмэҕэр эмиэ тустаах пуонда көмөтүнэн улахан үлэ ыытыллыа. Ол курдук манна анаан Саха сирэ 66 миллиард солкуобай ылыа.

Константин Цицин 10 сыл устата бырагыраама бастакы түһүмэҕин олоххо киллэрэргэ Саха сиригэр, атын субъектарга тэҥнээтэххэ, саамай элбэх киһи хаарбах дьиэттэн көспүтүн бэлиэтээтэ. Маны таһынан кини энергия өттүнэн көдьүүстээх дьиэлэри тутарга өрөспүүбүлүкэ атын эрэгийиэннэргэ холобур буолуон сөбүн ыйда.

Сүбэ-мунньахха Айсен Николаев уонна Константин Цицин  Пуонда үбүн суотугар Саха Өрөспүүбүлүкэтигэр үбүнэн өйөбүлү оҥоруу туһунан дуогабарага илии баттаатылар. Бу туһунан СӨ салалтатын пресс-сулууспата иһитиннэрэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

12 + пять =

ЛЕНТА НОВОСТЕЙ