Айсен Николаев Виталий Мутконы албыннаппыт кыттыгас туттарааччылар кыһалҕаларын дьүүллэстилэр

Комментарии Общество и политика

Поделиться:

НВК САХА – СӨ баһылыга Айсен Николаев Россия бырабыыталыстыбатын бэрэссэдээтэлин солбуйааччы Виталий Мутконы кытта көрсүһүүгэ Саха сиригэр албыннаппыт кыттыһан туттарааччылар кыһалҕаларын дьүүллэстилэр.

Онно сүрүн болҕомтону өрөспүүбүлүкэҕэ баар кыһалҕалаах эбийиэктэри туһааннаах федеральнай пилотнай бырайыакка киллэттэрэр кыахха уурдулар.

Кэнники сыыппара туоһулуурунан, өрөспүүбүлүкэҕэ саарбах тутааччылартан уонна түөкүннэртэн 500 тахса киһи эмсэҕэлээтэ.

Үөскээбит быһыыны-майгыны туоратарга өрөспүүбүлүкэ былаастара ылсарга күһэллэллэр. Быйыл олохтоох бүддьүөттэн 150 мөлүйүөн солкуобай албыннаппыт дьон кыһалҕатын быһаарарга көрүллүбүтэ эрээри, ол үс эрэ эбийиэги ситэрэргэ тиийэр. Үбүлээһинэ суох өссө сэттэ дьиэ хаалар. Олору ситэрэргэ 1,5 миллиард солкуобайтан тахса үп ирдэнэр.

Бу кыһалҕаны быһаарарга федеральнай өйөбүл наада. Виталий Мутко тустаах боппуруоһу хонтуруолга ылары эрэннэрдэ. Бу туһунан СӨ салалтатын пресс-сулууспата иһитиннэрэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

девятнадцать + восемь =

ЛЕНТА НОВОСТЕЙ