Айсен Николаев Японияҕа көрсүһүүлэрэ

Комментарии Главные новости, Общество и политика

Поделиться:

НВК САХА – Ахсынньы 3 күнүгэр республика баһылыга Айсен Николаев Саппоро куоракка Хоккайдо префектура күбүрүнээтэрэ Харуми Такахасины кытары көрүстэ.

Өрүттэр атыы-эргиэн, экономика, наука уонна гуманитарнай сайдыыга бииргэ үлэлээһин хайысхаларыгар санааларын үллэһиннилэр. Итини тэҥэ култуура, үөрэх, доруобуйа харыстабыла, спорт, туризм эйгэтин сайыннарыы былааҥҥа киирдэ.

Маны таһынан Саха сирин баһылыга Хоккайдо баан салалтатын – дириэктэрдэр Сэбиэттэрин бэрэссэдээтэлин Есихиро Сэкихатины уонна баан президенэ Масахиро Сасахаралыын кэпсэттэ. Онно Айсен Николаев сылы эргиччи үлэлиир теплицаны, медицинэҕэ туттуллубут тобоҕу дьаһайар собуоту тутууну үбүлээһиҥҥэ санаатын үллэьиннэ.

Өссө биир суолталаах көрсүһүү РФ Японияҕа генеральнай консула Андрей Фабричниковтыын буолла.

Санаттахха, Саха сирин бөлөҕө Японияҕа ахсынньы 2-6 күннэригэр сылдьар. Былааҥҥа бөдөҥ корпорациялары, бу дойду бырабыытылыстыбатын уонна парламенын кытта көрсүһүүлэр тураллар.

Бүгүн Токиоҕа Саха республикатын инвестиционнай уонна экономическай кыаҕын билиһиннэрэр семинар ыытылла турар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

13 + шестнадцать =

ЛЕНТА НОВОСТЕЙ