Айсен Николаев Японияҕа суолталаах көрсүһүүлэрэ

Комментарии Общество и политика

Поделиться:

НВК САХА – Японияҕа сырыы иитинэн Саха сирин баһылыга Aйсен Николаев бу дойду экономикаҕа, промышленноска уонна эргиэҥҥэ миниистирэ Хиросиго Сэколыын көрүстэ.

Өрүттэр  тыал күүһүнэн үлэлиир энергоустановкалары, Өлүөнэ өрүһү туоруур муостаны тутуу техническэй-экономическэй төрүтүн туһунан боппуруостары дьүүллэстилэр.

Хиросиго Сэко дьоппуон хампаанньалара Саха сиригэр инвестиционнай бырайыакка кыттыыларын тус хонтуруолга ылбытын туһунан уонна салгыы бииргэ үлэлээһини бары өттүнэн өйүүр санаалааҕын иһитиннэрдэ.

Маны таһынан Дьокуускай куорат хаһаайыстыбатын кытаанах тобохторун туһаҕа таһаарыы, үрдүк технологиялар уонна да атын кэккэ боппуруоһунан көрсүһүүлэр буоллулар.

Бэҕэһээ Айсен Николаев Япония норуоттар икки ардыларынааҕы бииргэ үлэлээһиҥҥэ баанын бэрэссэдээтэлэ Тадаси Маэдолыын көрүстэ. Манна Саха сиригэр инфраструктурнай бырайыактары олоххо киллэрии туһунан кэпсэтии барда. Маэдо: “Тыа хаһаайыстыбатын уонна цифровой сайдыы эйгэтин бырайыактара баан көхтөөх өйөбүлүн ылыахтара”, –  диэн эрэннэрдэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

1 × 1 =

ЛЕНТА НОВОСТЕЙ