Алдан оройуонугар суол саахалыгар икки киһи өллө

Комментарии Горячая линия

Поделиться:

НВК САХА – Алдан оройуонугар суол быһылааныгар массыына суоппара уонна пассажира өллүлэр. Бу туһунан СӨ ИДьМ-тын Суолга куттал суох буолуутун судаарыстыбаннай инспекциятын пресс-сулууспата иһитиннэрдэ.

От ыйын 20 күнүгэр олохтоох бириэмэнэн 11.00 чааска  “Лена” федеральнай суол 723-с км ханаабаҕа иномарка сытар диэн дьуһуурунай чааска биллэрбиттэр. Барыллаан этиллэринэн, «Дайхатцу Териос» массыынаны түргэнник ыытан испит 43 саастаах эр киһи уруулун туппакка, суолтан тахсан, ханаабаҕа түспүт.

Суол быһылааныгар 1976 сыллаах суоппар уонна 1970 сыл төрүөх эр киһи миэстэтигэр өлбүттэр. Массыына иһигэр өссө үс киһи баара: 33 саастаах дьахтар уонна икки, үс саастаах оҕолор. Кинилэр араас эчэйиини ылан, балыыһаҕа таһыттан эмтэнэллэр.

Быһылаан хайдах буолбутун быһаараары, силиэстийэлиир суһал бөлөх үлэлиир.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

одиннадцать − 9 =

ЛЕНТА НОВОСТЕЙ