Алдан оройуонугар таһаҕас массыыната түҥнэһиннэ

Комментарии Криминал и происшествие

Поделиться:

НВК САХА – Атырдьах ыйын 13 күнүгэр Алдан оройуонугар “Лена” суол 552-с км-гэр суол саахала таҕыста. Бу туһунан Суолга куттал суох буолуутун судаарыстыбаннай инспекцията иһитиннэрдэ.

Таһаҕас массыынатын суоппара Нерюнгри диэки түргэнник айаннаан иһэн, уруулун туппакка, суол кытыытыгар туораан түҥнэстибит.

Суоппар этэринэн, массыына ыытан иһэн, сылайан утуйан хаалбыт.

“Суһал көмө биригээдэтэ суоппары балыыһаҕа илдьибит, онно мэйиитэ доргуйбутун, хаҥас сотото тостубутун, ону таһынан элбэх бааһырыылааҕын быһаарбыттар”, – диэн иһитиннэриигэ этиллэр.

Суоппар арыгы испэтэҕэ биллибит, бу иннинэ суол быраабылатын кэһэн, административнай эппиэтинэскэ тардыллыбатах.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемь + девять =

ЛЕНТА НОВОСТЕЙ