«Алые паруса» сэһэҥҥэ олоҕуран Саха театра испиктээкил туруоруоҕа (ВИДЕО)

Комментарии Спорт и культура

Поделиться:

NVK-ONLINE.RU – Режиссер Сергей Потапов өр кэмҥэ республика таһыгар үлэлээн баран, дойдутугар кэлэн саҥа испиктээкили таһааран эрэр. Александр Грин «Алые паруса» сэһэнигэр олоҕуран «Таптал долгунугар уйдаран» диэн лирическай дьүһүйүү Саха театрын сыанатыгар бу өрөбүллэргэ тахсыаҕа.

Бу курдук ырыаны, үҥкүүнү, хоһоону, драматическай оонньууну дьүөрэлээн Сергей Потапов сыанаҕа саҥа сүүрээни киллэрэр. Александр Грин сэһэнигэр олоҕуран драматург Павел Морозов «Ассоль» пьесатын Ангела Попова тылбаастаата.

Режиссер дьон көрөрүгэр сөптөөх испиктээкиллэри туруоры сатыыбыт диэн этэр. Республика тас өттүгэр 2 сыл устата 12 испиктээкили туруоран, уопутун байытан, көрөөччүлэр биһирэбиллэрин ылла. Дойдутугар кэллэ кэлээт, хайаатар да дьоммор-сэргэбэр саҥа үлэни туруоруохтаахпын диэн санааттан бу кылгас кэм иһигэр ыра санаа, итэҕэл күүһүн көрдөрөр «Таптал долгунугар уйдаран» оонньуу тахсан эрэр. Бу иннинэ Сергей Потапов испиктээкилин Астанаҕа туруорбута. Төһө да матырыйаал бэлэмин иһин, артыыстар кылгас кэм иһигэр тылларын үөрэтэн, оруолларыгар киирдилэр.

Инникитин режиссер атын театрдарга өссө 4 испиктээкили былаанныыр. Оттон эһиил манна Шекспир «Гамлетын» ылсар баҕалаах. «Таптал долгунугар уйдаран» испиктээкил сүрэхтэниитэ бу өрөбүллэргэ уонна кэлэр ыйга көстүөҕэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

4 + 15 =

ЛЕНТА НОВОСТЕЙ