Алексей Стручков Арҕаа Саха сирин инвестиционнай кыаҕын туһунан сырдатта

Комментарии Общество и политика

Поделиться:

НВК САХА – Өрөспүүбүлүкэ арҕаа өттүн бырамыысалыннаһыгар уонна биисинэһигэр инвестицияны угуу бүгүҥҥүтүн уонна кэскилин туһунан Мииринэйгэ ыытылла турар пуорум пленарнай мунньаҕар СӨ бырабыыталыстыбатын бэрэссэдээтэлин бастакы солбуйааччы Алексей Стручков иһитиннэрдэ.

Кини санаатынан, өрөспүүбүлүкэ сайдарыгар Арҕаа Саха сирин кыаҕа олус улахан. Ол курдук билигин манна кэккэ бөдөҥ инвестбырайыактар олоххо киирэллэр. Бу бырайыактар Бүлүү сүнньүн улуустарыгар тыа хаһаайыстыбатын сайыннарарга улахан төһүүнэн буолуохтарын сөп.

Бастакы вице-премьер өрөспүүбүлүкэ арҕаа өттүгэр дьыалабыай килиимэти тупсарарга бырабыыталыстыба ханнык хардыыны оҥорор былаанааҕын туһунан үллэһиннэ. Ол иһигэр, бастатан туран, биисинэһи салайыыны судургу оҥоруу салгыы барыа. Иккиһинэн, 2020 сылга урбаанньыттары бэрэбиэркэлээһин былааныгар уларыйыы киириэ. Ити түмүгэр биисинэскэ баттааһын намтыа. Үсүһүнэн, нолуок анал эрэсиимэ сайдыа.

Бу туһунан СӨ салалтатын пресс-сулууспата иһитиннэрэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

двенадцать + 18 =

ЛЕНТА НОВОСТЕЙ