Алексей Стручков Бүлүү улууһугар уонна киин куораттааҕы Жатай уокуругар отчуот түмүгүнэн мунньах ыытта

Комментарии Общество и политика

Поделиться:

НВК САХА – Бырабыыталыстыба бэрэссэдээтэлин бастакы солбуйааччы Алексей Стручков Бүлүү улууһугар уонна киин куораттааҕы Жатай уокуругар бырабыыталыстыба ааспыт сыллааҕы отчуотун түмүгүнэн, министиэристибэлэр, биэдэмистибэлэр салайааччыларын кытта олунньу 22 күнүгэр оробуочай сүбэ-мунньаҕы ыытта.

Онуоха чуолаан Бүлүү улууһугар ыытыллыбыт көрсүһүү түмүгэр дьону-сэргэни ордук доруобуйа харыстабылын, тыа хаһаайыстыбатын, үөрэх, экология боппуруоһа долгутара билиннэ. Доруобуйа харыстабылын миниистирэ Елена Борисова иһитиннэрбитинэн, улуус киин балыыһатын саҥа дьиэтин 2021 сылга үлэҕэ киллэрэргэ былаанныыллар. Эбийиэги тутарга өссө 2016 сыллаахха оҥоһуллубут бырайыактыыр-ороскуоту ааҕар докумуон судаарыстыбаннай эспэртиисэ сөптөөх сыанабылын ылан сытар.

Нэһилиэнньэни итини тэҥэ Бүлүү куоратыгар саҥа оскуоланы, уһуйааны тутуу, итиэннэ Кыһыл Сыырга саҥа уһуйааны тутууну саҕалааһын боппуруоһа долгутар. Бүлүү куоратыгар уһуйаан дьиэтэ быйыл атырдьах ыйыгар үлэҕэ киириэ. Маны таһынан Кыһыл Сыыр бөһүөлэгин уһуйаанын тутуу докумуонун оҥорору былаанныыллар. Эмиэ быйыл улуус киинигэр култуура дьиэтин тутуута түмүктэниэ. Эбийиэк АЛРОСА дивиденин уонна муниципалитет үбүн суотугар тутуллар.

Жатай уокуругар отчуот түмүгүнэн, Алексей Стручков иһитиннэрбитинэн, ааһан эрэр сылга федеральнай бүддьүөт үбүн суотугар сөтүөлүүр бассейн үлэҕэ киирэрэ күүтүллэр. Маны таһынан, бастакы вице-премьер бырамыысалыннас уонна геология министиэристибэтигэр Жатайдааҕы тимир конструкция собуотун бырайыактыыр үлэтин үөрэтэргэ сорудахтаата. Бу собуот «Кангаласс» урутаан сайдыы территориятын резиденинэн буоларга баҕалаах.

Култуура уонна духуобунай сайдыы министиэристибэтэ Оҕо ускуустубатын оскуолатын саҥа дьиэтин тутар кыаҕы үөрэтэргэ сорудахтанна. Бүгүҥҥү күҥҥэ бу кыһа 1950 сыллардаахха тутуллубут эргэ дьиэҕэ үлэлиир.

Сүбэ-мунньах түмүгүнэн, Алексей Стручков бэлиэтээбитинэн,  отчуот кэмигэр нэһилиэнньэттэн киирбит бары этии сыныйан үөрэтиллэн, олоххо киллэрэргэ анаан, түмүк боротокуолга киириэхтээх.

 

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

шестнадцать + 18 =

ЛЕНТА НОВОСТЕЙ