Аллараа Кураанах дьаһалтата оҕо сууллан өлбүт дьиэтин үрдүттэн хаары кэмигэр ыраастаабатах

Комментарии Криминал и происшествие

Поделиться:

НВК САХА – Алдан оройуонун борокуратуурата Аллараа Кураанах дьаһалтата олорор дьиэ үрдүттэн кэмигэр хаары ыраастаабатах диэн быһаарда. Ол дьиэ үрдүттэн оҕо сууллан өлбүтэ. Бу туһунан оройуон борокуратуурата иһитиннэрдэ.

Түөрт кыбартыыралаах олорор дьиэни 2006 сыллаахха бөһүөлэк дьаһалтатын көрүүтүгэр биэрбиттэр. Ол эрээри дьон олоҕор куттал суоһаабатын туһугар туох даҕаны миэрэ ылыныллыбатах, дьиэ үрдүттэн хаары кэмигэр ыраастаабат эбиттэр.

“Дьиэ хоруобуйата 50 см тахса халыҥнаах хаардаах эбит. Оҕо дьиэ үрдүгэр тахсыбытыгар, хаар бүтүннүү сууллубут. Оҕо хаар быыһыттан сатаан тахсыбакка, тоҥон өлбүт диэн бэрэбиэркэ быһаарда”, – диэн иһитиннэриигэ суруллар.

Бөһүөлэк баһылыгар кэһиллиилэри суох оҥороругар сурук түһэрбиттэр уонна дьиэни көрүү-харайыы быраабылата кэһиллибитин иһин холуобунай дьыала тэрилиннэ.

Маны таһынан Алдан оройуонун силиэстийэлиир салаатыгар дуоһунастаах сирэй эбээһинэстэрин ситэ толорбокко, киһи өлбүтүн иһин холуобунай дьыаланы тэрийэр туһунан ирдэбил түһэрдилэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

5 − 4 =

ЛЕНТА НОВОСТЕЙ