«Алмазы Анабара» хампаанньа бу сылга 350 олохтоох каадыры үөрэтиэҕэ уонна Арктика оройуоннарыгар үлэҕэ ылыаҕа

Комментарии Общество и политика

Поделиться:

НВК САХА – «Алмазы Анабара» хампаанньа бу сылга 350 олохтоох каадыры үөрэтиэҕэ, ол кэннэ Арктика оройуоннарыгар үлэҕэ ылыаҕа. Бу туһунан нэһилиэнньэ дьарыктаах буолуутун судаарыстыбаннай кэмитиэтин бэрэссэдээтэлин солбуйааччы Алексей Павлов, «Алмазы Анабара» хампаанньаны кытта бииргэ үлэлэһии сөбүлэҥин түһэрсии түмүктэринэн иьитиннэрдэ.

Туустаах сөбүлэҥ, «Олохтоох каадырдары промышленностька» өрөспүүбүлүкэ бырайыагын олоххо киллэрии чэрчитинэн туһэрилиннэ. Сөбүлэҥ быһыытынан промышленнай тэрилтэлэр бырагыраамманы эбии үбүлүөхтээхтэр.

Судаарыстыбаннай кэмитиэт уонна хампаанньа арктическай оройуоҥҥа үлэлиир каадырдары үөрэтии бырагыраамматын бэлэмнээтилэр. Үгүс дьон Дьокуускайга кэлэн, үөрэнэр харчылара, кыахтара суох, онон үөрэтии бырагыраамматын сорҕотун хампаанньа, сорҕотун судаарыстыбаннай бүддьүөккэ көрүллүбүт харчыттан үбүлүөхтэрэ.

«Сөбүлэҥ нэһилиэнньэни промышленнай хампаанньаларга үлэнэн хааччыйыы биир сыллаах тэрээһиннэрин түмүгэ буолар. Биһиги тэрилтэбитигэр 95% олохтоох дьон үлэлиир. Бу сөбүлэҥ оробуочай идэлэргэ дьон миэстэтигэр, Дьокуускайга кэлбэккэ эрэ, Анаабырга, Булуҥҥа уонна Ньурбаҕа үөрэнэллэригэр кыаҕы биэриэҕэ. Ол кэннэ салҕыы үлэлииллэрин курдук», – диэн «Алмазы Анабара» аахсыйалаах уопсастыба сүрүн дириэктэрин солбуйааччыта Александр Соловьев иһитиннэрдэ.

Оройуоннарга идэлээх дьон кэлэн, дьону миэстэтигэр үөрэтиэхтэрэ. Хампаанньа үөрэх былаанын олоххо киллэриигэ тахсар ороскуоту толуйарга бэлэм. Бары үөрэҕи ааспыт дьон, үөрэммиттэрин туһунан сертификаттары тутуохтара.

Судаарыстыбаннай кэмитиэт дьарыктаах буолуу киинигэр үөрэниэн баҕалаахтартан киирбит сайабылыанньалары кытта үлэлиэҕэ. –ай

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

9 + 6 =

ЛЕНТА НОВОСТЕЙ