АЛРОСА Саха сирин олохтооҕор 117 тыһыынчалаах биһилэҕи биэриэ

Комментарии Общество и политика

Поделиться:

НВК САХА – АЛРОСА саамай үчүгэй кэргэн кэпсэтии (“Она сказала “Да!”) куонкуруһун түмүгүн таһаарда. Саха сирин олохтооҕо кыайыылааҕынан таҕыста. Бу туһунан хампаанньа пресс-сулууспата иһитиннэрэр.

“Уол тапталлааҕар бэлэҕин буортулаамаары, хайдах “Кэргэн таҕыс” диирин этэр кыахпыт суох. Ол эрээри АЛРОСА уол санаатын толороругар көмөлөһүө, онон сотору кэминэн тапталлаахтар ааттара уонна хайдах ааспыта биллиэҕэ диэн эрэнэбит”, – диэн иһитиннэриигэ этиллэр.

Маны таһынан кыайыылаахха бириис быһыытынан 117 тыһыынча солкуобайдаах көмүс биһилэх биэриэхтэрэ. Биһилэх “груша” быһыылаах 0,31 карат ыйааһыннаах бриллианнаах.

Куонкуруска кыттарга барыта 52 сайаапка киирбит. Бу сылга үксүн эр дьон хайаларга, ойуурга, күөл кытылыгар кэргэн кэпсэтиэххэ сөп диэн санааларын эппиттэр. Ону таһынан сорохтор кыыс тургутууну ааһан, бриллианнаах биһилэх кистэнэ сытар сиригэр тиийиэхтээх диэн этии киллэрбиттэр.

“Тас дойдуга эбэтэр Арассыыйа иһигэр сынньалаҥҥа сылдьан, холобур, круиз кэмигэр эбэтэр салгын шарынан көтө сылдьан, кыыһы “кэргэн таҕыс” диэххэ сөп диэбиттэр. Арай, холобур, куонкуруска “Көрүдьүөс кэргэн кэпсэтии” анал аат баара буоллар, “Хараабылга эдэрдэри Хапытаан Джек Воробей холбооттуо этэ” диэбит уол кыайыа этэ”, – диэн хампаанньаҕа эттилэр.

АЛРОСА маннык куонкуруһу икки сыл устата ыытта. Хампаанньа чугас киһигэр өйдөнөн хаалар түгэннэри бэлэхтиири умнубат туһугар маннык куонкуруһу ыытар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

девятнадцать − 1 =

ЛЕНТА НОВОСТЕЙ