“АЛРОСА” Саха сирин өрүстэригэр таһаарбыт хоромньутун көлбөрүтүнэ сатыыр
Поделиться:
НВК САХА – “АЛРОСА” хампаанньа Саха сирин өрүстэригэр таһаарбыт хоромньутун суумматын көлбөрүтүнэ сатыыр. Бу туһунан сэтинньи 13 күнүгэр экология миниистирэ Сахамин Афанасьев суруналыыстары кытта көрсүһүүгэ эттэ.
Тустаах министерство бэлиэтииринэн, Иирэлээххэ 11 мөлүйүөн солкуобайтан тахса, Аччыгый Ботуобуйаҕа 4 миллиард, Бүлүү өрүскэ 23 миллиард солкуобай кэриҥэ сууммалаах хоромньу таҕыста.
Ити сыыппара билигин Москваҕа Росприроднадзорга сөбүлэһиннэриигэ сытар. Сотору кэминэн арбитражнай суут мунньахтара саҕаланыа.
Оттон Иирэлээхтээҕи полигон кытылын бөҕөргөтөр үлэ “АЛРОСА” тулалыыр эйгэни харыстыыр кэлим программатыгар киириэ. Бу биэс сыллаах программа үбүлээһинэ 5 миллиард солкуобай кэриҥэр тэҥнэһэр.
Поделиться:
Наш Telegram
Отправляйте свои новости на горячую линию: +7(914)2734488
