«АЛРОСА» социальнай эп­­пиэтинэстээх хампаанньа буоларынан Саха сирин экологическай бырайыактарыгар кыттыа

Комментарии Общество и политика

Поделиться:

НВК САХА – Арассыыйа уонна Саха алмаастарын публичнай аахсыйалардаах холбоhуга «АЛРОСА» хампаанньа Саха сирин айылҕатын харыстааһыныгар туһуламмыт үлэтин хампаанньа пресс-сулууспата сырдатар. Ол курдук, «АЛРОСА» социальнай эп­­пиэтинэстээх хампаанньа буоларын сыл ахсын Кэтээн көрөр сэбиэт спонсорскай хантараахтара, араас сөбүлэ­­һиилэр испииһэктэрэ бигэргэтэр. Экологическай бырайыактар эмиэ бу манна киирэллэр.

Хампаанньа СӨ Экологияҕа, айылҕаны туһаныыга уонна ойуур хаһаайыстыбатын иһинэн үлэлиир биологическай ресурсалар уонна ураты харыстанар айылҕа сирдэрин дириэксийэтин кытары сөбүлэһии түһэрсибитэ диэн хампаанньа саайтыгар суруллар. Итиэннэ «Барҕарыы» национальнай пуонданы кытары айылҕа харыстабылыгар кинигэ, сурунаал, буклет та­­һаарыытыгар сөбүлэһии түһэрсиллибитэ.

Маны тэҥэ «АЛРОСА» быйылгыттан «Үүнэр көлүөнэ ­пуондатын» экологи­ческай бырайыактарыгар сыл ахсын 150 мөлүйүөн солкуобайы угуоҕа. Хампаанньа тус экологическай бырагырааматыгар 5 сыл тухары 30 миллиард солкуобайы көрүөҕэ.

Ону таһынан, алмаас хостуур сир бырайыагын уларытан, ­драгалар тас өттүлэринэн өрүс сүнньүн кэҥэтэн, улахан ууну аһардар кыаҕын улаатыннарар санаалаах.

Хампаанньа алмаас хостонор сирдэр аттыларыгар баар өрүстэри, үрэхтэри, күөллэри барыларын кэтээн көрөр. Ыраастаммыт уу түһэр сирин, сүүрүк үөһээ уонна аллараа өттүн, чугастааҕы сири өрүү кэтиир, быйылгыттан санитарнай сир кыраныыссатын эмиэ чинчийэр.

2019 сыл туругунан Бүлүү, Светлэй водохранилищетыгар уонна Өлүөнэ, Дьааҥы өрүстэргэ балыгы ыытар көҥүллэммитэ. Бүлүү, Марха өрүскэ балыгы ыытыы бобуллубута эрээри, көмүс хатырык­таах ыамын ыытарга көҥүллүүллэригэр Росрыболовство федеральнай ааҕыныстыбатын Өлүөнэтээҕи салаатыгар сурук суруллубута. Дьиҥэр, көҥүллэммит эбийиэктэр ахсааннарын инникитин кэҥэтиэххэ сөп. Ол туһугар тустаах лаборатория научнай-чинчийэр үлэ барыан наада, Саха сиригэр итинэн Бүтүн дойдутааҕы чинчийэр-үөрэтэр институт өрөспүүбүлүкэтээҕи салаата дьарыктанар. Бу үлэ түмүгүнэн 2020-2022 сылларга Бүлүүгэ, Мархаҕа күндү балыгы ыытыыны былааҥҥа киллэрэр санаа баар.

Хампаанньа 2019 сылга Бүлүү ууну мунньар сиригэр быраҥаатта 1,205 мөлүйүөн ыамын, Өлүөнэҕэ күндүөбэй 0,357 мөлүйүөн ыамын ыытар былааннаах. Итиниэхэ Чернышевскайдааҕы балык собуотун кытта 2013 сылтан бииргэ үлэлэһэр.

Бу үлэ туох түмүктээҕин Арктика дьыалатыгар СӨ су­­даарыстыбаннай кэмитиэтин иһитиннэриитинэн сыаналыахха сөп. Холобур, 2016 сылга быраҥааттаны балыктыырга 4,9 туонна көҥүллэммит, оттон 2019 сылга ону 23 туоннаҕа диэри улаатыннарбыттар.

АЛРОСА» тулалыыр эйгэни харыстыыр бырагы­рааматыгар кыыл таба уонна балык ахсаанын элбэтии таһынан, хамсыыр харамайы, үүнэр үүнээйини көмүскүүргэ «Саха сирин тыыннаах ал­­маастара» паарка тэриллибитэ.

Саха сиригэр олохтоох дьон төрүт дьарыктара – табаны иитии уонна балыктааһын, ол иһин бу икки хайысханы өйүүргэ улахан үлэ ыытыллар. Өрөспүүбүлүкэ таһымнаах тулалыыр эйгэни харыстыыр бырагыраамаҕа кыттыһарга хампаанньа бэлэм. Холобур, Экология министиэристибэтигэр орнитологическай үлэ ыытылларыгар көмөлөһүө. Саха сирин төрүт олохтоох дьоно өбүгэ үгэһин сүтэрбэттэрин туһугар хампаанньа кыһамньылаах үлэни ыытыа.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пять × два =

ЛЕНТА НОВОСТЕЙ