АЛРОСА уонна Ростехнадзор бииргэ үлэлииргэ сөбүлэҥ түһэристилэр

Комментарии Экономика и сельское хозяйство

Поделиться:

НВК САХА – АЛРОСА Экологическай, технологическай уонна атомнай сулууспа Федеральнай сулууспатын (Ростехнадзоры) кытары бииргэ үлэлиир туһунан сөбүлэҥ түһэристэ диэн хампаанньаттан иһитиннэрдилэр.

Сөбүлэһии промышленнай куттал буолуутун боппуруостарын кыттыһан оҥорууга ананар. Судаарыстыбаннай кэтээн көрүү нөҥүө дистанционнай хонтуруолу тэрийии уонна ыытыы былааннанар. Дөкүмүөҥҥэ эбийиэктэри туһаныыга сыаналааһын, мониторинг уонна куттал суох буолуутун хааччыйыы, ситимнэр үлэлэрин тупсарыы, онтон да атын үлэ хайысхалара ыйыллыбыттар.

“Биһиги хайа боруодатын хостуур салаа промышленнай эбийиэктэригэр куттал суох буолуутун хааччыйыыга дьайыылаах мехнизмнары оҥорууга күүспүтүн түмүөхпүт. Бу – АЛРОСА үлэтигэр улахан суолталаах хардыы. Бииргэ үлэлээһин былааныгар биһиги, маны таһынан, анал федеральнай нуормалары уонна быраабылалары оҥорууну көрөбүт”, – диэн АЛРОСА генеральнай директора Сергей Иванов бэлиэтээн эттэ.

“Дистанционнай тиһиккэ көһүү – производствоҕа бэйэ хонтуруолун тэрийиитин  уонна үөскүүр балаһыанньаны бэйэ быһаарыытын хааччыйыаҕа. Маны таһынан инспектордар кытары көрсүү, быһаарсыы аҕыйыаҕа. Наада эрэ буоллаҕына, инспектордар кэлэр буолуохтара”, – диэн Ростехнадзор салайааччыта Алексей Алешин эттэ.

Сөбүлэһиини таһынан, өрүттэр сыл устата ыытыллар үлэ былаанын бигэргэттилэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

девятнадцать − 8 =

ЛЕНТА НОВОСТЕЙ