Алтаннааҕы 15 №-дээх лицей сабылынна

Комментарии От редакции

Поделиться:

НВК САХА – Амма улууһугар  орто идэни биэрэр соҕотох үөрэх кыһата – Алтаннааҕы 15 №-дээх лицей сабылынна. Бэйэтэ да аҕыйах ахсааннаах нэһилиэккэ 39 киһи үлэтэ суох хаалла.

“Мунньах буолбут, саппыттар, эмискэ бирикээс таҕыста диэн буолла. Оттон үлэһиттэр ханна бараллар? Оҕолорбутун хайдах иитэрбитин туһунан ким даҕаны толкуйдаабат”, – диир Айталина Тихонова.

Бу курдук сэттис сылын лицейгэ улэлиир Айталина Тихонова тэрилтэтэ соһуччу сабыллан эрэриттэн хомойон, хараҕын уутунан суунар. Кырдьык, бэйэтэ да аҕыйах ахсааннаах нэһилиэккэ 39 киһи үлэтэ суох хаалара – бу нэһилиэк эстиитэ буолар.

“Кэргэммин кытта манна үлэлээбиппит. Биэс оҕолоохпут, иккиэн үлэтэ суох хааллахпыт дии, оҕолорбутун иитиэхпитин наада. Үлэ көрдөнөр буоллахпыт дии, көһөн барарбыт дуу?”, – диэтэ лицей үлэһитэ Дмитрий Колесов. 

48 сыл устата Алтаннааҕы лицей үгүс элбэх тыа хаһаайыстыбатыгар уонна бырамыысыланнаска туһаайыллыбыт каадырдары бэлэмнээбит, улуус суос-соҕотох орто идэни биэрэр тэрилтэтэ этэ. Кэнники сылларга лицейгэ үөрэнэ кэлээччи ахсаана аҕыйаан, быйыл сабылларга күһэлиннэ.

Оттон улуус дьаһалтата тэрилтэ сабыллыбатын инниттэн араас суоллары көрдөөн, мөхсө сатаата да, кыаллыбата.

Хамыыһыйа быһаарыытынан, тэрилтэ хамсаабат баайа-дуола улууска бэрилиннэ. Онон улуус сөптөөх быһаарыыны ылан, тэрилтэни саҥа хайысхалаан, иккис тыын биэрэн, салгыы үлэлэтэригэр баҕараллар.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

3 × один =

ЛЕНТА НОВОСТЕЙ