Америка тустууктара Аммаҕа тиийдилэр (ВИДЕО)

Комментарии Спорт и культура

Просмотров: 27

NVK-ONLINE.RU – Бу күннэргэ АХШ Саха сирин тустууктарын кытта бииргэ үлэлэһэр бырайыагын чэрчитинэн Орегон штат эдэр тустууктара Аммаҕа кэлэн ыалдьыттаатылар.

3 күн устата ыалдьыттар саха норуотун үгэстэрин кытта билистилэр, Кыыс Амма кэрэ айылҕатыгар сынньаннылар итиэннэ эдэр тустууктары кытта күөн көрүстүлэр.

Бэлиэтээн эттэххэ, Америка холбоһуктаах штаттарыгар маннык тустуук оҕолору тас дойдуларга таһааран бииргэ үлэлэһэр, уопут атастаһар бырайыак 1962 сыллаахтан үлэлиир. Оттон Саха сиригэр 2011 сыллаахтан саҕаламмыта, тэрийээччитинэн Амматтан төрүттээх Семен Адамов буолар.

Ыалдьыттары улуус дьаһалтата саха сиэринэн кыраныыссаҕа алгыстаах алаадьылаах, кымыстаах көрүстэ, ол кэннэ дьаһалта дьиэтигэр улуус баһылыгын итиэннэ Амма тустууктарын кытта көрсүһүү буолла.

Иккис күн оскуола оҕолорун кытта эмиэ бэрт сэргэх көрсүһүү буолан ааста. Оттон киэһэтин күүтүүлээх көҥүл уонна греко-римскэй тустууга турнир буолла.

Түмүккэ 11: 5 ахсаанынан АХШ эдэр тустууктара кыайыы өрөгөйүн биллилэр.

Бу курдук  сэргэх тэрээһин тэриллэн, көрөөччүлэр астынан тарҕастылар. Оттон оҕолор төһө да хотторбуттарын иһин, бырайыак көмөтүнэн элбэх уопуттанныбыт, элбэх доҕоттордоннубут диэн үөрэ кэпсииллэр.



Добавить комментарий

Ваш e-mail не будет опубликован. Обязательные поля помечены *

5 + 8 =