Аммаҕа 30 тыһыынча тонна таас чох тиэрдилиннэ

Комментарии Общество и политика

Поделиться:

НВК САХА – Амма оройуонугар хочуолунайдарыгар уматыгы тиэрдии түмүктэннэ. Уу суолунан былааннаммыт 30 тыһыынча туонна таас чох тиксэрилиннэ. Бу туһунан СӨ ОДьКХ уонна энергетикаҕа министиэристибэтин пресс-сулууспата иһитиннэрэр.

“Бүлүү өрүс сүнньүнэн сытар оройуоннарга уматыгы тиэрдии салҕанар. Сунтаарга биир тыһыынча тонна таас чох тиэрдилиннэ, Ньурбаҕа былааннаммыт 39 тыһыынча тоннаттан, 19 тыһыынча тонната тиксэрилиннэ, Үөһээ Бүлүүгэ 8 тыһыынча тоннаттан, икки тыһыынча тонната сүөкэннэ”, – диэн иһитиннэриигэ чопчуланар.

Дьааҥы өрүскэ уу суолун маҥнайгы түһүмэҕэ саҕаланна. Уус Куйгаҕа баар чоҕу хаһаанар сиртэн Баатаҕайга диэри таһыллыахтаах 12 тонна чохтон, биир тыһыынчаттан тахса тонната тиэйилиннэ.

Маны таһынан Дьабарыкы Хайаттан Өлүөхүмэ оройуонугар тиксэриллиэхтээх чоҕу тиэйии саҕаланна. Билиҥҥи туругунан 3 тыһыынча чох тиэйилиннэ.

Маны сэргэ Кыһыл Сыыртан алта тонна гаас конденсаты Кэбээйи оройуонун Сангаар бөһүөлэгэр быстах кэмҥэ харайар пууҥҥа тиэйэн илтилэр. Былаан быһыытынан 16 тыһыынча тоннаны тиэйиэхтээхтэр.-яв

 

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

тринадцать + 5 =

ЛЕНТА НОВОСТЕЙ