Аммаҕа аҕам саастаахтар спартакиадаҕа күөн көрүстүлэр (ВИДЕО)

Комментарии Спорт и культура

Поделиться:

NVK-ONLINE.RU – 2018 сылга Амма улууһугар ыытыллыахтаах Саха сирин норуоттарын оонньуутугар бэлэмнэнии үлэлэрэ салҕаналлар. Бэтэрээннэргэ, пенсийэлээхтэргэ анаммыт спартакиада эмиэ бу девиһинэн бэрт тэрээһиннээхтик барда. Уопсайа спартакиадаҕа 150 тахса бэтэрээн кыттыыны ылла.

Саха Өрөспүүбүлүкэтигэр уонна Амма улууһугар бэтэрээннэр сэбиэттэрэ тэриллибитэ 30 сылыгар анаммыт тэрээһин чэрчитинэн, бу күннэргэ Аммаҕа бэтэрээннэр спартакиадалара ыытыллынна. Күн бүгүн оройуоҥҥа 5 тыһыынчаттан тахса пенсийэлээх дьон олороруттан 2 аҥаар тыһыынчата үлэ бэтэрээнэ. Кинилэр общественнай олоххо көхтөөхтөр, спорт, култуура да эйгэтигэр куруутун кыттан ситиһиилэрэ үгүс.

Маннык спартакиада ыытылларын олохтоохтор биһирииллэр. Нэһилиэккэ хамаанда тэринэн, ким ханнык көрүҥҥэ кыттыан сөптөөҕүнэн көрөн, эрдэттэн бэлэмнэнэллэр. Ол курдук олохтоох Николай Алексеев маннык спартакиадаҕа хаһыс да кыттааһына. Улууска эрэ буолбакка, өрөспүүбүлүкэҕэ ыытыллар күрэхтэһиилэргэ, фестивалларга куруутун кыттыыны ылар.

Бу күн бэтэрээннэр спартакиаданы күрэх курдук санаабакка, үөрэн-көтөн доҕотторун көрсөн, дуоһуйа кэпсэттилэр. Маннык тэрээһиннэр бириэмэттэн бириэмэҕэ ыытыллаллара кэрэхсэбиллээх.



Поделиться:




Добавить комментарий

Ваш e-mail не будет опубликован. Обязательные поля помечены *

девятнадцать + 13 =

ЛЕНТА НОВОСТЕЙ