Аммаҕа “Бөтүн” хаһаайыстыба саҥа хотонугар “Аҕа дойдуга үтүөлэрин иһин” уордьан кавалера Аграфена Сутакова аатын иҥэрдилэр (ВИДЕО)

Комментарии Сельское хозяйство

Просмотров: 34

NVK-ONLINE.RU – Бу күннэргэ Амма улууһугар „Бөтүн“ тыа хаһаайыстыбатын производственнай кооператив саҥа хотонугар киирдэ. Саҥа тутууга хаһаайыстыба бастыҥ ыанньыксыта, “Аҕа дойду иннигэр үтүөлэрин иһин”4 степеннээх уордьан кавалера, Саха Өрөспүүбүлүкэтин тыатын хаһаайыстыбатын үтүөлээх үлэһитэ, Амма улууһун уонна Бөтүн нэһилиэгин бочуоттаах олохтооҕо, Герой ийэ Аграфена Сутакова аатын иҥэрдилэр.

Оройуон биир бөдөҥ „Бөтүн“ тыа хаһаайыстыбатын производственнай кооператива ынах сүөһү иитиитинэн, бурдук үүннэриитинэн, сүөһү аһылыгын бэлэмнээһининэн дьарыктанар. Хаһаайыстыба бу сайын 240 төбөҕө анаан животноводческай комплекс тутуутун саҕалаан, бу күннэргэ бастакы уочарата түмүктэнэн үлэҕэ киирдэ.
Республика үрдүнэн быйылгы сылга маннык 5 улахан комплекс үлэҕэ киирэн, республика бюджетиттэн 80% үбүлэннилэр. Итиэннэ сорох хаһаайыстыба элбэх үүтү ыан, Россияҕа племенной репродуктор статуһун ыллылар.

Санатан эттэххэ, бу тутуу туһунан Аҕа дойду иннигэр үтүөлэрин 4 степеннээх уордьан кавалера, Саха Өрөспүүбүлүкэтин тыатын хаһаайыстыбатын үтүөлээх үлэһитэ, Герой ийэ, Бөтүн тыа хаһаайыстыбатын ыанныксыта Аграфена Сутакова 2012 сыллаахха Кремльгэ дойду Президенигэр наҕараада ыла бара сылдьан, саҥа хотон наадатын туһунан эппитэ. Этиллибит тыл олоххо киирбититтэн Аграфена Егоровна олус долгуйан, үөрэн туран санаатын үллэһиннэ.

Аграфена Сутакова аатын сукпут животноводческай комплекска күрүө-хаһаа, гараж, сиилэскэ анаммыт дьаама, ыанньыксыттар олорор дьиэлэрэ барыта учуоттанан, эһиил тутуута салҕанара былааннанар.



Добавить комментарий

Ваш e-mail не будет опубликован. Обязательные поля помечены *