Аммаҕа буолар саха норуотун VII спортивнай оонньууларыгар 150 волонтер үлэлиэҕэ

Комментарии Спорт и культура

Поделиться:

НВК САХА – Амма оройуонугар атырдьах ыйын 1-5 күннэригэр саха норуотун VII спортивнай оонньуулара ыытыллыахтара. Улахан хабааннаах тэрээһиҥҥэ барыта 150 волонтер уонна 90 устудьуон этэрээттэрин байыастара үлэлиэхтэрэ.

Баҕа өттүнэн үлэлээччилэр тэрээһин иннинэ анал үөрэҕи ааһыахтара. Ол курдук саха норуотун оонньууларын устуоруйатын үөрэтиэхтэрэ, көрсүө-сэмэй буоларга, араас атааннаһыылары быһаарарга, хамаандаҕа үлэлииргэ аналлаах трениннэргэ сылдьыахтара.

Бу күннэргэ ыччат уонна дьиэ-кэргэн бэлиитикэтин миниистирэ Иван Луцкан уонна Амма оройуонун дьаһалтата волонтердары кытта көрүстүлэр. Мунньах кэмигэр баҕа өттүнэн үлэлээччилэри аһатар, таҥыннарар туһунан кэпсэттилэр, ону сэргэ байыастар үлэлэрин хайысхатын дьүүллэстилэр.

Устудьуоннар ооньуулар иннинэ Аммаҕа тутуу, тупсарыы үлэтигэр кыттыһыахтара уонна нэһилиэнньэҕэ култуурунай-сынньанар тэрээһиннэри ыытыахтара.

Оттон волонтердар Саха сирин бары муннугуттан мустар кыттааччылары арыаллыахтара, судьуйаларга көмөлөһүөхтэрэ, спорт тутууларыгар үлэлиэхтэрэ. –ай//кс



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

12 − 2 =

ЛЕНТА НОВОСТЕЙ