Аммаҕа халаантан эмсэҕэлээбит дьоҥҥо бэриллиэхтээх тутуу матырыйаалын кээмэйин ааҕыы түмүктэннэ

Комментарии Общество и политика

Поделиться:

НВК САХА – Амма оройуонугар сааскы халаантан эмсэҕэлээбит дьоҥҥо бэриллиэхтээх тутуу матырыйаалын кээмэйин ааҕыы түмүктэннэ. Бу туһунан оройуон дьаһалтата иһитиннэрэр.

Билиҥҥи туругунан халаантан эмсэҕэлээбит дьиэлэри өрөмүөннүүргэ лафет, буруус, хаптаһын, кирпииччэ, сылааһы тутар базальт билиитэлэр, изоспан, ДВП, пенопол, фанера, стеклопакет түннүктэр, ньалбаан илиистэрэ наадалар.

“От ыйын 1 күнүнээҕи туругунан, Амма оройуонугар халаантан эмсэҕэлээбит дьоҥҥо тэрилтэлэр уонна урбаанньыттар 3,5 тыһыынча куб маһы бэлэмнээтилэр, ол иһигэр Амма нэһилиэгэр – 815, Амма Наахара нэһилиэгэр – тыһыынчаттан тахса, Мээндиги нэһилиэгэр – 100, Бөтүҥ нэһилиэгэр – 250, Абаҕа нэһилиэгэр – 300, Майскай нэһилиэгэр – 1050. Маны сэргэ оройуон үрдүнэн 305 куб таҥастаммыт маһы (Аммаҕа – 60, Амма Наахара – 70, Майскай -175) бэлэмнээтилэр”, – диэн оройуон дьаһалтатыгар иһитиннэрдилэр.

Эбии сайаапканан тиэллэн кэлиэхтээх тутуу матырыйаалын боппуруоһун оройуон дьаһалтата СӨ тутуу уонна архитектураҕа министиэристибэтин кытта тэҥҥэ үлэлэһэр.

 

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемь + 6 =

ЛЕНТА НОВОСТЕЙ