Аммаҕа хомуур үлэтэ саҕаланна

Комментарии Экономика и сельское хозяйство

Просмотров: 12

НВК САХА – Аммаҕа бурдук хомуурун үлэтэ саҕаланна. Бүгүн бааһыналарга үлэ күөстүү оргуйар. Быйыл саас дьыл эрдэлээн, хаһаайыстыбалар ыһыыга хаһааҥҥытааҕар даҕаны эрдэ тахсан, 8 128 гектарга ыһыы үлэтэ ыытыллыбыта.

Күн бүгүн хомуур үлэтин үгэнэ, күн-дьыл туран биэрдэҕинэ, Амма бааһыналарыгар хомуур үлэтэ түмүктэниэ.

Амма улууһугар быйылгы сылга 4174 гектарга туораахтаах култуура, 3954 гектарга сүөһү аһылыгар анаан кормовой култуура ыһыллыбыта. Бурдугу «Амма», «Болугур», «Абаҕа», «Амма бурдуга» хаһаайыстыбата – барыта 8 128 гектарга ыспыттарын, билигин хомуур үлэтин үгэнигэр сылдьаллар.

Бурдуктаах Бокуруопка бааһыналарыгар 165 сылын туорахтаах култуураны ыһаллар. Онтон „Амма“ тыа хаһаайыстыбатын оҥорон таһаарар кооператива 86 сылын республикаҕа соҕотох оройуоннаммыт сортовой сиэмэ бурдугу ыһан, бу сыллар устата урдук көрдөрүүлэри ситиһэр. Быйыл даҕаны хаһаайыстыба өлгөм үүнүүнү ыларга былаанныыр.

Билигин тэрилтэ үлэһиттэрэ хомуур үлэтин үгэнигэр сылдьаллар. Быйыл хас да саҥа техника кэлэн, көмөтө улахан. Онон аммалар бурдугу үүннэрэргэ инники кирбиигэ тахсалларыгар усулуобуйа тэриллэн иһэрэ үөрдэр.

Күһүҥҥү ардахтар мэһэйдээбэтэхтэринэ, өлгөм үүнүүлээх Амма бааһыналарыгар бу күннэргэ хомуур үлэтэ түмүктэниэ.



Добавить комментарий

Ваш e-mail не будет опубликован. Обязательные поля помечены *

десять − девять =